Umugabo w’umuzunguzayi akomeje guca ibintu ku mbuga nkoranyambaga nyuma y'uko yinjiye mu ndege ya Uganda Airlines yiteguraga guhaguruka akabanza gucururizamo isenene.
Ku mbuga nkoranyambaga hakomeje gucicikana amashusho
y’umugande w’umuzunguzayi wagaragaye acurururiza isenene mu ndege yitegura
guhaguruka ku kibuga cy’indege cya Entebbe muri Uganda.
Uyu mugabo aba afite uruhago w’ishashi rwuzuye
isenene n’urundi rurimo amashashi y’umweru ahererekanya isenene n’abagenzi bari
mu ndege baziguraga ku bwinshi. Ubusanzwe ibikorwa by’ubuzunguzayi bikaba bimenyerewe ku mihanda no mu modoka.
Bivuze ko ntakabuza uyu yaba ariwe wa mbere uciye
agahigo ko kubikorera mu ndege. Iki gikorwa yakoze kiri no mu rwego rwo
kumenyekanisha umuco w’abanya-Uganda nk'uko ubuyobozi bwa Uganda Airlines
bwabitangaje.
Umuzunguzayi yacururije isenene mu ndege
Isenene nka rimwe mu mafunguro akundwa cyane n'abanya-Uganda zizajya zicururizwa mu ndege nk'uko Uganda Airlines yabitangaje
Itangazo rivuga ko ari mu buryo bwo kongera umubare wa ba mukerarugendo
TANGA IGITECYEREZO