Ishyirahamwe ry'umupira w'amaguru muri Uganda ryashyize hanze urutonde rwa nyuma rw'abakinnyi bazatoranywamo abahize abandi muri uyu mwaka.
Urutonde
rwasohotse kuri uyu wa Gatatu rugizwe na
rutahizamu wa Express FC Erick Kenzo Kambale, ndetse n'abakinnyi babiri
ba Vipers FC Bobosi Byaruhanga na Abdul Aziizi Kayondo. Mu buryo butangaje
umukinnyi watsinze ibitego byinshi mu mwaka ushize w'imikino Yunus Sentamu
ntabwo yagaragaye ku rutonde rwa nyuma, ndetse na Shafik Kuchi Kagimu usanzwe
ari Kapiteni wa URA FC.
Yunus
Sentamu yatsinze ibitego 16 muri shampiyona iheruka, anakora amateka yo gutsinda ibitego 4 mu
mukino wa nyuma w'igikombe cy'igihugu. Mu kiganiro yagiranye n'itangazamakuru,
umuvugizi wa FUFA yatangaje ko Yunus Sentamu yari mu bakinnyi ariko kubera atakurikije amabwiriza yose yasabwaga ari cyo cyatumye atibona bwa nyuma.
Iki
gihembo cy'umukinnyi mwiza muri Uganda kizatangwa tariki tariki 4 Ukoboza 2021
ibirori bizabera kuri Spoke Resort Munyonyo aho umukinnyi mwiza azahabwa
imodoka nshya
Abakinnyi
babatu batoranyijwe bakoze iki?
Abdul Aziizi Kayondo
Ni
umwe mu bahagarariye Uganda mu gikombe cya Afurika cy'abatarengeje imyaka 20
aho yageze ku mukino wa nyuma ndetse aza no gushyirwa mu ikipe y'iryo rushanwa.
Yahise azamurwa mu ikipe ya U-23 ayikinira muri CECAFA. Kayondo yakiniye Uganda
ya CHAN aho bari kumwe na Uganda, nyuma azamurwa mu ikipe nkuru yakiniye
umukino wa mbere Uganda ihura n'u Rwanda muri Uganda.
Bobosi
Byaruhanga
Yari
mu bakinnyi bahagarariye Uganda mu ikipe yitabiriye igikombe cya Afurika mu
batarengeje imyaka 20 bagera ku mukino wa nyuma. Yakiniye Uganda nkuru uyu
mwaka ubwo bakinaga na Afurika y'Epfo. Byaruhanga kandi we na Dennis Iguma ni bo
bakinnyi bakiniye Uganda imikino yose 6 mu gushaka itike y'igikombe cy'Isi
kizabera muri Qatar. Yabaye umukinnyi mwiza wo hagati w'irushanwa ry'igikombe cy'igihugu, anaba
umukinnyi mwiza wa shampiyona ya Uganda.
Eric
Kambale
Yatsinze
ibitego 15 arushwa igitego kimwe na Yunus Sentamu. Ni umwe mu bafashije ikipe ya
Express FC mu mikino nyafurika kuko n'ubwo yasezewe kare ariko yari yamaze
gutsinda igitego cye. Kambale kandi yafashije Express FC kwegukana igikombe cya
Shampiyona ya Uganda no kwegukana CECAFA yabereye muri Tanzania.
TANGA IGITECYEREZO