Producer Element uri kubarizwa muri Nigeria yagaragaje ko yishimiye kuba ari muri iki gihugu ari kumwe n’abarimo Platini P yajyaniranye nawe kimwe n’umukinnyikazi wa filimi Alliah Cool.
Mu masaha macye ni bwo Alliah Cool abinyujije ku rukuta rwa Instagram agaragaje amashusho mato agaragaza ibyishimo bakomeje kugira muri iki gihugu by’umwihariko agaragaza Producer Element. Muri aya mashusho bose baba bavuga izina ry’uyu mucuzi w’indirimbo [Producer Element] ubundi bakumvikana bagira bati: ”Baba” bavuga Platini P nawe uba uri muri aya mashusho kimwe n'umwe mu bakobwa nawe babarizwa muri One Percent International ikomeje gushyigikira ibyamamare byo mu Rwanda kurenga imipaka.
Kuwa 17 Ugushyingo 2021 nibwo Producer Element, Platini P na Dj Briane bahagurutse i Kigali berekeza muri Lagos ahagiye kubera ibirori bizatangirwamo n’ibihembo bya AFRIMA 2021. Muri ibi bihembo Platini P akaba ahatanye mu cyiciro cy’umuhanzi cya ‘Best Artist, Duo or Group in African Contemporary’ agihataniyemo n’abarimo Chike [Nigeria], Kizz Daniel n’abandi ariko benshi bakomoka muri Nigeria.
Nyuma y’ibi bihembo bya AFRIMA 2021
bizatangwa kuri uyu wa 21 Ugushyingo 2021, Platini P azahita yerekeza
muri Sierra Leone aho ategerejwe mu
iserukiramuco rya ECOFEST rizaba hagati ya 26-27 Ugushyingo 2021.
Platini P yizeye kwegukana igihembo cya AFRIMA 2021 mu cyiciro arimo
Element yagaragaye yishimana n'abarimo Alliah Cool n'abandi bakobwa babanya Nigeria
Ibyishimo n'ibitwenge ni byose kuri Element uri kubarizwa muri Nigeria aho yagiye aherekeje Platini P
Eng
RSS 
TANGA IGITECYEREZO