Elon Musk na Jeff Bezos abakire babiri bahora bahanganye ku isi mu kuyobora abatunzi b’isi, kuri ubu hagati yabo hagiyemo itandukaniro rya Miliyari 87 z’amadorali.
Kuri ubu Elon Musk ni we uyoboye urutonde rw’abatunzi ku isi aho ubutunzi
bwe bwatumbagiye ku kigero cyo hejuru kugera aho yanditse amateka akomeye yo
gukuba bagenzi be by’umwihariko agasiga Jeff Bezos kuri miliyari 87 z’amadorali.
Uko urutonde ruhagaze kuri ubu Elon Musk ni we uyoboye na Miliyari 287 z’amadorali, mu minsi micye ishize akaba bwo yari yageze muri 289. Jeff Bezos niwe umugwa mu ntege na Miliyari 196 z’amadorali bivuze ko kugeza ubu hagati y'aba bombi harimo ikinyuranyo cya Miliyari zijya gushyika 87 z’amadorali.
Ku mwanya wa gatatu hari Bernard Arnault ukomoka mu Bufaransa na Miliyari
165 z’amadorali agakurikirwa ku mwanya wa kane na Bill Gates wakubwe n'uwa mbere
ariwe Elon Musk inshuro zirenga ebyiri mu butunzi kuko kugera ubu Gates afite
Miliyari 134 z’amadorali.
Indi myanya irimo uwa 5 ufitwe na Larry Page ufite ubutunzi kuri ubu bungana
na Miliyari 124 z'amadorali, umwanya wa 6 uriho Sergey Brin ufite Miliyari 120 z’amadorali, naho ku mwanya wa 7 turahasanga Mark
Zuckerberg nyiri Facebook na Miliyari 118 z’amadorali.
Ku mwanya wa 8 hariho Larry Elison na Miliyari 115 z’amadorali mu gihe ku
mwanya wa 9 hari Steve Ballmer na Miliyari 111 z’amadorali. Ku mwanya wa 10
hariho Warren Buffet na Miliyari 106 z’amadorali.
Urutonde rw’abakire ba mbere ku isi rukaba rugizwe n’abanyamerika 9 n’umufaransa umwe, ikindi umunani mu icumi bafite imishinga y’ikoranabunga mu gihe babiri ari bo bakora imishinga yindi y’ubucuruzi.
TANGA IGITECYEREZO