Ntirushwa Patrice (Padiri) yongeye gutorerwa kuyobora Sunrise FC, yiyemeza kuyigarura mu cyiciro cya mbere

Kuri uyu wa Gatandatu tariki 23 Ukwakira 2021, ni bwo inteko rusange ya Sunrise FC yateranye ubwo bagombaga kwitorera Komite nshya igomba kuyobora iyi kipe mu myaka itanu iri imbere. Ni inteko rusange yabereye muri Sitade iyi kipe isanzwe yakiriraho imikino yayo. N’ubwo Komite yari isanzweho itari yagashoje manda yayo, abaturage basabye ko habaho impinduka mu buyobozi, ikipe yabo ikagira abayobozi bashya.

Komite nshya ya Sunrise FC

Komite yari yatowe mu 2018, bivuze ko ko yagombaga gusoza manda yayo mu 2023 gusa umuntu mwe gusa ni we wagarutse mu buyobozi bukuru bwariho. Ku mwanya wa Perezida, Ntirushwa Patrice (Padiri) yongeye gutorerwa uyu mwanya, Vice perezida wa Mbere yabaye Hodari Hillary wasimbuye Gihanuka John, vice perezida wa Kabiri aba Basabira Laurent asimbuye Mwebaze William, ndetse umunyamabanga uhoraho aba Karangwa Frank asimbuye Ntambara Stephen.

Umunyamabanga mushya, Karangwa Frank

Abajyanama hatowe Gihanuka John, Gasibo Protogene, Habakurinda, Germain, Ntahompagaze Theoneste, Karengera Charles, Muhinda James. Abagenzuzi, hatowe Nsanzimfura Fred, Fatuma, Shema Girlbert. 

Komisiyo ishinzwe gushaka abakinnyi: ni Nkunda Pascal, Rukandagira George, Kalibwende Emmanuel. Komisiyo ishinzwe imyitwarire: Kayitare Steven, Murwanashyaka Bashir, Ntambara Gerard; naho Komite ishinzwe abafana: hatowe Sezikeye Valens, Rtd Major Kabalisa, Massai Didac na Kamanzi Jordin. 

komite ishinzwe kugura abakinnyi

Sunrise FC izakina ikiciro cya kabiri nyuma yo kumanuka na As  Muhanga nayo ifite gahunda yo guhita izamuka.