Hari abantu baba mu nzu zitangaje cyane, zihenze cyangwa se zubatse mu buryo budasanzwe, gusa umugabo witwa Bruce Campell wo mu gace ka Oregon muri Amerika, yahinduye indege inzu yo kubamo.
Bruce Campell, twavuga ko ari gusatira ubusaza kuko ari mu kigero cy'imyaka 64 y'amavuko. Ni umushakashatsi mu by'amashanyarazi ariko wagiye mu karuhuko k'izabukuru. Igihe yari mu kigero cy'imyaka 20 y'amavuko, yaguze isambu ya hegitari 10 ku madolari 23000, (ubwo ni asaga Miliyoni 23 z'Amanyarwanda)mu ishyamba rya Hillsboro, Oregon.
Muri iyo sambu ahantu hitaruye abantu, yafashe indege ishaje ayitereka muri ubwo butaka bunini ayihindura inzu yo kubamo, iba ibaye inzu idasanzwe ku isi nk'uko urubuga 'andmore.co' rukora inkuru zidasanzwe rubitangaza.
Kuva akiri muto, Campbell yagiye akunda guhuza ibintu bishaje akabiremamo ibishya. Umugambi we kuri iki gice cy'ubutaka kwari ukuyikoresha nk'ahantu ho kwiyubakira inzu maze aratungurana ahashyira indege yiberamo. Iyi ndege ya Boeng, mu byumba imbere isa neza cyane, abamusuye bose bamusanga mu ndege ye yiberamo. Uyu mugabo yamye ari umuherwe kuko nko mu 1999, Campbell yahisemo kugura indege ya Boeing 727 muri Olympic Airways.
Imbere mu ndege yahinduye inzu
Eng
RSS 
TANGA IGITECYEREZO