Kigali
Bralirwa
-->

Espagne mu bihugu 10 Cristiano Ronaldo amaze gutsinda ibitego 3 mu mukino umwe (Hat-trick)

Yanditswe na: ISHIMWE Olivier Ba
Taliki:13/10/2021 9:41
0

Cristiano Ronaldo yaraye atsinze ibitego 3 igihugu cya Luxembourg, yuzuza ibihugu 10 amaze gustinda ibitego 3 Hat-trick.



Mu mikino yo gushaka itike y'igikombe cy'Isi kizabera muri Qatar, Portugal yanyagiye Luxembourg ibitego 5 ku busa, aho Ronaldo yatsinzemo ibitego 3, Bruno Fernandes atsinda ikindi ndetse na Joao Palhinha.


Nyuma yo gutsinda ibitego 3, Ronaldo yujuje ibihugu 10 atsinze ibitego 3 mu mukino umwe Hat-trick. Igihugu cya mbere yatsinze ibitego bitatu mu mukino umwe ni Northern Ireland aho byari tariki 6 Nzeri 2013. Tariki 19 Ugushyingo 2013, Ronaldo yatsinze Sweden ibitego 3 mu mukino umwe. Igihugu cya gatatu Ronaldo yatsinze ibitego 3 mu mukino umwe ni Armenia, aha byari tariki 13 Kamena 2015. Tariki 7 Ukwakira 2016 yatsinze Andorra, naho tariki 31 Kanama atsinda Faroe islands.


Igihugu cya Espagne cyabaye icya 6 Ronaldo atsinze ibitego 3 mu mukino aha muribuka ko byari mu mikino y'igikombe cy'Isi tariki 15 Kamena 2018. Switzerland yayitsinze tariki 5 Kamena 2019. Lithuania yo Ronaldo yayitsinze ibitego 3 mu mukino inshuro 2 zikurikiranya aho bwa mbere byari tariki 10 Nzeri 2019 ndetse inshuro ya kabiri iba tariki 14 Ugushyingo 2019. Ku mugoroba washize ni bwo Ronaldo yujuje ibihugu 10 atsinze ibitego 3 mu mukino umwe ubwo yatsindaga Luxembourg.


Ronaldo kandi yahise ageza ibitego 115 amaze gutsindira ikipe y'igihugu akomeza kwanikira abandi bakinnyi ku rutonde rusange ku Isi







TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND