Umukobwa wa Perezida Museveni yahaye imodoka iri hejuru ya miliyoni 60 Frw icyamamare ku mbuga nkoranyambaga

Umukobwa wa Museveni, Natasha Museveni Karugire w'imyaka 45, yahaye imodoka nshya yo mu bwoko bwa "BMW X5" X5 icyamamare ku mbuga nkoranyambaga, Ashburg Kato. Ashburg Kato yanyuze ku rukuta rwe rwa Twitter, maze yemeza ko umukobwa wa perezida Museveni yamuhaye imodoka nshya yo mu bwoko bwa BMW X5. Mu mvugo ye yabaye nyuma yo guhabwa iyi modoka, yabaye nk'uwishongora kubari mu ishyaka NUP rya Bobi Wine ati: “Abo muri Piipo Power  bimeze bite?"

Iyi modoka ibaye iya kabiri ahawe n'umuryago wa Museveni, kuko mu minsi yashize nabwo umuhungu w'uyu mukuru w'igihugu cya Uganda yamuhaye imodoka yo mu bwoko bwa sleek Mark X, amushimira kuba ari inyangamugayo.

Ashburg Kato, ni icyamamare ku mbuga nkoranyambaga muri Uganda. Mu minsi yashize, urukuta rwe rwa Facebook rwaribwe rurafungwa mu matora mu 2020.  Guhabwa iyi modoka bije bikurikira iyindi Museveni aherutse guha Jose Chameleone, abicishije ku muhungu we. 

Iyi modoka nshya yo mu bwoko bwa BMW X5 niyo iri ku isoko,  ifite agaciro kari hagati y'amadora 59,400 - 105,900. Ni ukuvuga ko ifite agaciro byibura ka miliyoni 60 Frw z'amanyarwanda kuzamura.