RFL
Kigali

Bigoranye, Real Madrid yatahanye intsinzi mu minota itanu ya nyuma

Yanditswe na: ISHIMWE Olivier Ba
Taliki:20/09/2021 7:21
0


Real Madrid yatsinze Valencia ibitego 2 kuri 1 ariko byageze ku munota wa 85 Valencia ikiyoboye umukino.



Mu mpera z'iki cyumweru muri Espagne shampiyona yakomezaga aho bari bageze ku munsi wabo wa gatanu Real Madrid igomba gusura Valencia. Uyu mukino wari ishiraniro kuko Real Madrid yari iyoboye urutonde rwa shampiyona ndetse ikurikirwa na Valencia ariko banganya amanota.

Abakinnyi babanje mu kibuga; Valencia: Wass, Gabriel, Foulquier, Guedes, O. Alderete, Soler, Maxi Gomez, Hugo Guillamón, Hugo Duro, Correia, Giorgi Mamardashvili. 

Real Madrid: Modric, Benzema, Alaba, Hazard, Courtois, Casemiro, Nacho, Carvajal, Valverde, Militao, Vinicius.


Valencia niyo yabanje Igitego 

Amakupe yombi yakinnyi agice cya mbere nta nimwe ishaka gutsindwa igitego ndetse umutoza wa Real Madrid yari yagize urwicyekwe rukomeye kuri iyi Sitade ya Valencia Mestalla Stadium. Igice cya mbere cyaje kurangira amakipe yombi anganya ubusa ku busa.

Mu gice cya kabiri umutoza mushya wa Valencia Pepe Bordalas yagaragaje ko yahinduye ikipe ya Valencia yarwanaga no kutamanuka mu kiciro cya kabiri umwaka ushize, ubu ikaba ibasha guhangana na Real Madrid mpaka.


Vinicius Junior yishyuriye Real Madrid 

Ku munota wa 65 gusa byari bihagije kuba Valencia iyoboye umukino ku gitego cyatsinzwe na Hugo Duro, maze bishyira ku gitutu ikipe ya Real Madrid.

Madrid yatangiye kuyobora umukino ndetse iniharira umupira byaje gutuma habura iminota itanu gusa, ki munota wa 86 Vinicius atsinda igitego cya mbere ku mupira yari ahawe na Karim Benzema, ndetse nyuma y'iminota ibiri gusa, Karim Benzema na we atsinda igitego cya kabiri ku mupira yari ahawe na Vinicius Junior bari kubonana neza muri iyi minsi. Umukino waje kurangira Real Madrid yegukanye amanota atatu ariko avuye kure cyane.


Karim Benzema yatsinze igitego cy'insinzi 

Karim Benzema yahise yuzuza ibitego bitandatu muri shampiyona, naho Vinicius Junior agira ibitego bitanu. Real Madrid yagumye kuyobora urutonde rwa shampiyona n'amanota 13. Mu gihe Barcelona iza gukina kuri uyu munsi ifite amanota 7 n'imikino ibiri y'ikirarane.







TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND