Ku mugoroba wo kuri uyu wa Gatatu tariki 01 Nzeri 2021 Nyampinga Iradukunda Elsa na Nimwiza Meghan berekeje muri Leta Zunze Ubumwe za Amerika aho bitabiriye ibirori bitegerejwe na benshi by'ubukwe bwa Nyampinga w'u Rwanda wo mu mwaka 2009, Grace Bahati.
Ubukwe butegerejwe na benshi bwa Grace Bahati na Murekezi Pacifique burashyushye ndetse abazahagararira umuryango mugari w'abamaze kwambara ikamba ry'ubwiza rya Nyampinga w'u Rwanda bamaze gufata indege berekeza aho ibi birori bizabera.
Kuri uyu mugoroba w'itariki 01 Nzeri 2021 Miss Iradukunda Elsa na Nimwiza Meghan bafashe rutema ikirere berekeza muri Leta ya Iowa aho ubukwe bwa Grace Bahati buzabera. InyaRwanda ifite amakuru avuga ko ubu bukwe buzaba mu matariki ya mbere y'ukwezi kwa Nzeri 2021.
Ibi birori kandi bizitabirwa n'abarimo Meddy na The Ben ndetse muri gahunda ihari akaba ari bo bazasusurutsa abazitabira ubu bukwe. Biteganyijwe na none ko buzahuza ibyamamare bitandukanye mu myidagaduro nyarwanda.
Abandi bazagaragara muri ubu bukwe ni Miss Aurore Kayibanda wanitabiriye ibirori byo gusezera urungano bya Grace Bahati byabaye kuwa 07 Kanama 2021. Mu mpera z'icyumweru gishize ni bwo Mrekezi Pacifique yambitse impeta y'urukundo Grace.
Miss Meghan Nimwiza na Miss Iradukunda Elsa berekeje muri Leta Zunze Ubumwe za Amerika mu bukwe bwa Grace Bahati
Miss Bahati Grace n'umukunzi we Pacifique baritegura kurushinga
Eng
RSS 
TANGA IGITECYEREZO