RFL
Kigali

APR FC yatangiye imyitozo yitegura Mogadishu City bazesurana muri CAF Champions League

Yanditswe na: SAFARI Garcon
Taliki:19/08/2021 16:31
1


Nyuma yo gupimwa COVID-19 bagasanga nta mukinnyi cyangwa umukozi wa APR FC wanduye, iyi kipe yitegura umwaka w’imikino wa 2021/22 urimo n’irushanwa rya CAF Champions League yasubukuye imyitozo yitegura umukino wa Mogadishu City Club.



APR FC izahura na Mogadishu City Club mu ijonjora rya mbere rya CAF Champions League rizakinwa hagati ya tariki ya 10 n’iya 19 Nzeri 2021.

Mu rwego rwo kwitegura uyu mukino neza, iyi kipe y’umutoza Adil Mohamed yatangiye imyitozo ku kibuga isanzwe ikoreraho cya Shyorongi giherereye mu karere ka Rulindo, ari naho icumbitse.

APR FC yatangiye imyitozo iri kumwe n’abakinnyi bayo basanzwe ndetse n’abashya, ukuyemo abari mu ikipe y’igihugu Amavubi ndetse na Mutsinzi Ange wagiye mu igeragezwa mu Bubiligi.

Kuri uyu wa Gatatu tariki ya 18 Kanama 2021, nibwo Abakinnyi 19, Abatoza 04 n’abandi bakozi bose ba APR FC basuzumwe Coronavirus basanga nta n’umwe wanduye, bahita banajya mu mwiherero wo gutegura umukino wa Mogadishu City.

Umwaka utaha w’imikino APR FC izitabira amarushanwa y’imbere mu gihugu, ndetse na CAF Champions League. Ikaba ifite intego yo guhatanira ibikombe byose bikinirwa mu Rwanda, no kugera mu matsinda ya CAF Champions League.

Abakinnyi 19 batangiye imyitozo muri APR FC:

Kenese Armel (Umunyezamu,1)

Ndayishimiye Dieudonné (2)

Nsabimana Aimable (4)

Rwabuhihi Aimé Placide (6)

Nizeyimana Djuma (7)

Itangishaka Blaise (8)

Mugisha Gilbert (11)

Ngabonziza Gylain (12)

Mutabaruka Alexandre (Umunyezamu,13)

Mugisha Bonheur (15)

Ahishakiye Héritier (Umunyezamu, 16)

Buregeya Prince (18)

Nsanzimfura Keddy (22)

Bizimana Yannick (23)

Nsengiyumva Ir’shad (24)

Ishimwe Anicet (26)

Ruboneka Bosco(27)

Nshimiyimana Yunusu (28)

Ishimwe Pierre (Umunyezamu, 30)

Abakinnyi ba APR FC bapimwe COVID-19 mbere yo gutangira imyitozo

Nyuma yo gusanga nta mukinnyi wa APR FC wanduye COVID-19, bahise batangira imyitozo








TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Haguma innocent2 years ago
    Iyikipe baretse ubwoba yabidukorera





Inyarwanda BACKGROUND