Amaherezo Leta Zunze Ubumwe Za Amerika zizasaba abagenzi bose bavuye mu Mahanga kuba barakingiwe byuzuye Covid-19 nk’uko umukozi wo muri White House yabivuze.
Uyu mukozi utavuzwe izina yabwiye ibiro ntaramakuru bitandukanye ko ubutegetsi bwa Joe Biden bwasabye inzego zibishinzwe gutegura mu byiciro gufungurira imipaka abanyamahanga, ariko ntihavugwa igihe iki cyemezo kizashyirwa mu bikorwa.
Amerika ubu yugarijwe no kwiyongera k'ubwandu bushya bwa Covid-19, cyane cyane mu batarakingiwe, mu gihe ubwoko bwa Delta bwiganje. Amabwiriza ariho ubu abuza abagenzi benshi bavuye mu mahanga kwinjira muri Amerika.
Amabwiriza ya mbere nk'aya yashyiriweho Ubushinwa muri Mutarama 2020, kuva icyo gihe, yagiye afungurwa ku bantu bose batari Abanyamerika bavuye mu Bwongereza n'ibihugu by'Ubumwe bw'Uburayi birimo : Brazil, Ireland, Ubuhinde, Iran na Africa y'Epfo.
Abemerewe kwinjira muri Amerika bagomba kwerekana ko batanduye Covid-19 mu minsi itatu y'urugendo.
Mu cyumweru gishize, Jen Psaki ushinzwe itangazamakuru muri White House, yavuze ko Amerika yabaye irekeyeho amabwiriza ariho kubera kwiyongera k'ubwandu, n’ubwo bitifuzwa na kompanyi z'indege n'abo mu bukerarugendo. Kuwa Gatatu, umukozi wa White House utaravuzwe izina, yavuze ko ubutegetsi buri kureba uko imipaka yafungurwa mu buryo butazatera ibibazo.
Yongeyeho ati: "Hazabaho kugabanya...Abanyamahanga binjira muri Amerika - bavuye mu bihugu byose bagomba kuba barakingiwe byuzuye". Hejuru ya 70% by'Abanyamerika bafashe nibura doze ya mbere y'urukingo rwa Covid-19.
Ariko imibare y'abandura yongeye kuzamuka ndetse nko muri leta ya Florida imibare y'abashyirwa mu bitaro irenga iyigeze ibaho mbere. Uturere twinshi n'ibikorwa by'ubucuruzi muri Amerika ubu byongeye gushyiraho amabwiriza ategeka abantu kwambara agapfukamunwa ahari abantu benshi.
Inkomoko: BBC
Eng
RSS 
TANGA IGITECYEREZO