Myugariro w'inyuma mu kibuga wahoze muri Mukura victory Sport, Umwungeri Patrick, amaze gusinyira ikipe ya Bugesera FC amasezerano y'imyaka 2.
Umwungeri
wabaye Kapiteni wa Police FC kuva 2018 kugera 2019, yari amaze umwaka yicaye
nyuma yo gutandukana na Mukura victory Sport ubwo yakoraga impinduka umwaka w'imikino
2020-21 wenda gutangira. Patrick Umwungeri yari yarageze muri Mukura victory
Sport mu 2019 ayikinira umwaka umwe batwarana igikombe cy'agaciro ndetse
ayikinira imikino 12 muri 23 yaranze shampiyona.
Patrick Umwungeri akigera muri Mukura
Patrick Umwungeri w'imyaka 27 yanyuze mu makipe nka SEC Academy yavuyemo mu 2011 yerekeza muri kiyovu yakiniye umwaka w’imikino 2011/2012, nyuma yerekeza muri As Kigali yavuyemo mu 2015, asinyira Police FC atandukana nayo mu 2019. kuri iki gicamunsi akaba akomereje urugendo rwe mu ikipe y`ibiurasirazuba bw' u Rwanda Bugesera FC ku masezerano y'imyaka ibiri.
Aganira na InyaRwanda, Patrick
yavuze ko yahisemo gusinyira Bugesera FC kubera ko ashaka gukorana na Abdul Mbarushimana. Ati: “Abdul ni umutoza utuma umukinnyi agira igihaha kandi
nkurikije ibihe narindimo numvaga uwo mutoza ariwe nshaka.”
Umwungeri wambaye 5 ubwo yakiniraga Police FC
Andi
makipe yashakaga uyu musore ni ikipe ya Etincelles FC yo mu burengerazuba bw'u
Rwanda ndetse na Gorilla FC ibarizwa mu mujyi wa Kigali, ikaba imaze umwaka umwe
mu kiciro cya mbere, ariko zose Bugesera akaba ariyo yari iri imbere mu biganiro.
TANGA IGITECYEREZO