Kigali

Babuwa Samson wavugwaga muri Rayon Sports ubu ari muri Angola

Yanditswe na: ISHIMWE Olivier Ba
Taliki:2/08/2021 21:34
0

Rutahizamu watsinze ibitego byinshi muri shampiyona y'u Rwanda mu mwaka w'imikino 2019/20 Babuwa Samson yamaze kwerekeza muri Angola mu buryo bw'akazi.



Uyu musore w'imyaka 28 yahagurutse mu Rwanda kuri iki cyumweru yerekeje muri Angola mu biganiro bya nyuma n'ikipe ya Bravos do Maquis ikina ikiciro cya mbere muri iki gihugu.

Babawu wari umaze imyaka 5 mu Rwanda yakiniye ikipe ya Sunrise FC imyaka igera kuri 4 ayivamo yerekeza muri Kiyovu Sport asinyamo amasezerano y'umwaka wageze ku musozo akiniye Kiyovu Sport imikino 5 ayitsindira ibitego 3. Babuwa Samson mu mwaka w'imikino 2019/20 yabaye umukinnyi watsinze ibitego byinshi muri shampiyona y'u Rwanda afite ibitego 15 mu mikino 23 ya Shampiyona.


Nyuma yo gusoza amasezerano muri  Kiyovu Sport byavugwaga ko Rayon Sports iri gushaka uyu mukinnyi wari waragiye mu biruhuko ku Gisenyi mbere yo gufata indege. Bravos Do Maquis izahagararira Angola mu mikino ya CAF Confederation Cup miziko iyi mikino ku ruhande rw'u Rwanda As Kigali ariyo izaseruka.


Bravos do Maquis yashinzwe tariki 28 Nyakanga 1983, ikaba ifite sitade yakira abantu ibihumbi 4 na magana atatu, ikindi wamenya ni uko ibarizwa mu burasirazubwa bw'intara ya Moxico. Uyu mwaka urangiye w'imikino iyi kipe yabaye iya 3 n'amanota 55, iza inyuma ya Premerio de Agosto na Petro de Luanda yatwaye shampiyona.







TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND