Kuri ubu amakipe ari kwiyubaka yitegura umwaka utaha w'imikino, gusa kugeza ubu twavuga ko umwanya uri kwibandwaho ari mu mutima wa ‘Defanse’.
Twavuga ko usibye kuba abakinnyi bugarira bari kwibandwaho cyane muri ibi bihe, ariko binagaragara ko bari gufasha amakipe yabo kugera ku musaruro dufatiye nk'urugero kuri Leonardo Bonucci na Giorgio Chiellini bafashije Ubutariyani kwegukana igikombe cy'u Burayi.
Bayern Munich ni imwe mu makipe yatangiye kugura ba myugariro bahenze hakiri kare, uhereye kuri Hummel's waguzwe Miliyoni 35 mu 2016/2017, Niklas Sule waguzwe 20M euros mu 2017/2018 na Lucas Hernandez wa 80M euros waguzwe mu 2019/2020. Ejo bundi iyi kipe yagize undi myugariro Dayot Upamecano wari uvuye muri Leipzig kuri 42m euros.
Real Madrid nayo yahise igura David Alaba w'imyaka 28 avuye muri Bayern Munich dore ko n'amasezerano ye yari ageze ku mpera. Alaba akihagera Sergio Ramos yahise ajya muri PSG nayo yari isanganywe Presnel Kimpempe na Marquinhos. Manchester United yaguze Harry Maguire mu mwaka ushize kugeza ubu akaba ari na we myugariro uhenze ku isi kugeza ubu. Manchester Kandi yari ifite Victor Nelsson Lindelof ariko irarenga igura Varane imukuye muri Real Madrid.
Alaba David
Kugeza kuri ubu Chelsea nayo ntiryama ntisinzira iri gushaka myugariro wa Sevilla Jules Kounde ugomba kuza akajya mu bwugarizi bwa Chelsea.
Amakipe menshi twavuga ko ahuze kuri bamyugariro ugereranyije n’uko byabaga bimeze mbere aho wasangaga ba rutahizamu biganza cyane ku isoko.
Dayot Upamecano
Mbere wasangaga ba rutahizamu ari bo bakinnyi bahenze ariko bisa n’aho byatangiye guhinduka na ba myugariro batangira guhenda. Abanyamakuru n'abakinnyi b’umupira bavuga ko ibi biri guterwa n'abatoza bariho muri iki gihe usanga bubaka umupira bizereye muri ba myugariro ibindi bikaza nyuma.
Raphael Varane
TANGA IGITECYEREZO