Chelsea yasinyishije mushiki wa Reece James imukuye muri Manchester United

Lauren James wakunze kurangwa n'imvune mu mwaka ushize w'imikino yari umwe mu bakinnyi Manchester United yagenderagaho ariko bikaba birangiye asubiye mu rugo. 

James yasinye imyaka 4 

James yakiniye irerero rya Manchester United kuva afite imyaka 10 kugeza kuri 14, ahava yerekeza muri Arsenal naho yavuye mu 2018 ubwo yasinyiraga Manchester United. Mu myaka 3 yari amaze muri Manchester United, Lauren James yayikiniye imikino 40 ayitsindira ibitego 22.

Lauren James w'imyaka 19 ni mushiki wa Reece James ukina mu bwugarizi bwa Chelsea y'abagabo akaba amusanze aho yasinye amasezerano y’imyaka 4. Chelsea y'abagore ikomeje kwiyubaka nyuma yo kugera ku mukino wa nyuma wa Champions League aho yahuye na Barcelona ikanyagirwa idakozeho ku bitego bine k’ubusa.

Lauren James na musaza we nyuma ya Chelsea itwaya igikombe cya Champions League 

Ku myaka 19 Lauren James yitezweho kongera imbaraga mu busatirizi bwa Chelsea dore ko afite ubushobozi bwo gukinisha amaguru yombi, kunyura muri ba myugariro nta bwoba ndetse akaba umuhanga mu gutsinda.

James yari umukinnyi kizigenza muri Manchester United