RFL
Kigali

Abatuye Kigali bagiye kongera gupimwa Covid-19 mu gihe ibarurishamibare ryerekanye ko ibihumbi 40 banduye

Yanditswe na: Janvier Iyamuremye
Taliki:22/07/2021 22:09
0


Minisiteri y'Ubuzima n'Ikigo cy'Igihugu Gishinzwe Ubuzima ku bufatanye n'izindi nzego za Leta, ku wa Gatanu tariki 23 Nyakanga 2021, barongera gukora igikorwa cyo gupima Covid-19 mu buryo bwagutse (mass testing) mu Mujyi wa Kigali.



Muri iki gikorwa hateganyijwe gupima nibura 15% by'abatuye utugari 45 twagaragayemo ubwandu buri hejuru kurusha utundi.

Itangazo rigenewe Abanyamakuru ryo kuri uyu wa Kane tariki 22 Nyakanga 2021, rivuga ko abazapimwa bazatoranywa kandi babimenyeshwe binyuze mu bufatanye n'ubuyobozi bw'inzego z'ibanze hanyuma bazajye kuri site bafatirwe ibipimo.

Rikomeza rivuga ko atari ngombwa ko abari bapimwe ku nshuro ya mbere aribo bongera gupimwa icyakora intego ni ugupima na none 15% by'abatuye utwo tugari kugira ngo hagaragare ishusho y'ubwandu muri two tugari mu mpera za gahunda ya Guma mu Rugo.

Minisiteri y’Ubuzima ivuga ko imibare izava muri iki gikorwa izatanga ikigereranyo cy'uko uturere turi muri gahunda ya Guma mu Rugo twari duhagaze iyi gahunda 'igitangira n'uko tuzaba duhagaze mu gihe iyi gahunda izaba isatira umusozo'.

Iyi Minisiteri ivuga ko “iyi mibare ariyo izagenderwaho mu gihe hafatwa izindi ngamba zo guhangana n'icyorezo.”

Umuyobozi Mukuru w’Ikigo cy’Igihugu Gishinzwe Ubuzima, Dr Sabin Nsanzimana yabwiye Televiziyo y’u Rwanda ko ushingiye ku bizamini byafashwe muri Kigali bya Covid-19 mu minsi ishize, imibare babonye bashobora kuyizamura igashyirwa ku mubare w'abatuye Umujyi mu buryo bw'ibarurishamibare (Statistics), ukavuga ko abantu ibihumbi 40 bafite iki cyorezo muri Kigali.

Akomeza ati "Nibwo bwa mbere dupimye abantu benshi mu Mujyi wa Kigali ku mibare ingana gutya kuko twapimye hafi 15% barenga barengeje imyaka 18 mu Mujyi utuwe n'abaturage barenga miliyoni ho gato ku buryo byanatumye ibyavuye muri ibi bipimo imibare twabonye dushobora no kuyizamura tukayishyira ku mubare w'abatuye Umujyi wose mu buryo bw'ibarurishamire mibare ukaba wavuga ko twasanze mu Mujyi nibura hari abantu nk'ibihumbi 40 bafite Covid-19."

Tariki 17-18 Nyakanga 2021, ni bwo Minisiteri y’Ubuzima yakoze bikorwa bidasanzwe byo gupima abantu Covid-19 mu Tugari mu Mujyi wa Kigali no mu tundi turere turi muri guma mu rug

Ku munsi wa mbere w’ibikorwa bidasanzwe byo gupima, hafashwe ibipimo 50.880, ku munsi wa kabiri hafatwa ibipimo 73.608. Muri ibi bipimo byafashwe iminsi ibiri bikaba byaragagayemo abarwaye iki cyorezo 4770.

 

Ku wa Gatanu tariki 23 Nyakanga 2021, harongera kubaho igikorwa cyo gupima Covid-19 mu buryo bwagutse (mass testing) mu Mujyi wa Kigali

Dr Sabin Nsanzimana uyobora RBC yatangaje ko mu ibarurishamibare abantu ibihumbi 40 banduye Covid-19 muri Kigali 

Tariki 17-18 Nyakanga 2021, habaye igikorwa cyo gupima Covid-19 abatuye Kigali, hapimwe nibura 15% muri buri kagari






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND