Umutoza w'Umurundi Gustave wari uri mu biganiro n'ikipe ya Etincelles FC byarangiye adasinye nyuma yo kutemererwa kugira uruhare rw'abakinnyi yagura.
Gustave
wari usanzwe ari umutoza wa Buja City yashoje ku mwanya wa 13 muri shampiyona
y'u Burundi, yari mu biganiro na Etincelles FC ikina ikiciro cya mbere muri shampiyona
y'u Rwanda, aho byavugwaga ko ashobora kuba umutoza mukuru w'iyi kipe nta
gihindutse.
Mu kiganiro
Inyarwanda yagiranye n’uhagarariye uyu mutoza yadutangarije ko ibiganiro ku
mpande zose byahagaze umutoza adasinye. Yagize ati: “Ntabwo Gustave
yabashije gusinyira ikipe ya Etincelles kubera ko ibiganiro bitagenze neza
twashakaga ko agira uruhare rwa 50% ku bakinnyi ikipe izasinyisha ariko ntibabyemeye ndetse n'amafaranga batangaga yari macye."
Niyonkuru Gustave ubanza imbere
Etincelles
ni imwe mu makipe adafite abatoza bakuru kuva shampiyona yarangira, ikaba iri
mu rugamba rwo gushaka umutoza hari n'amakuru avuga ko bavuganye na Gatera
Moussa utoza Espoir FC.
TANGA IGITECYEREZO