Kigali

APR FC iri mu masaha yo kwitonda! Ishobora gutakaza igikombe, ikisanga muri Confederation n'agahigo ka Adil kagasenyuka

Yanditswe na: ISHIMWE Olivier Ba
Taliki:24/06/2021 11:28
2

Umukino umwe ugusa urahagije kuba APR FC yagira umwaka mubi kandi yari yaratangiye neza shampiyona dore ko itaratsindwa umukino n'umwe.



Kuri uyu wa 5 tariki 25 Kamena 2021 shampiyona y'icyiciro cya mbere iragera ku musozo ku makipe 8 ashaka igikombe cya shampiyona. Ni imikino igomba kubera isaha imwe kugira ngo bigende neza ku makipe 2 ashaka igikombe cya shampiyona yaba APR FC ndetse na As Kigali.

APR FC ni yo iri mu mwanya mwiza wo kwegukana igikombe cya shampiyona, aho iyoboye urutonde rwa shampiyona n'amanota 16 izigamye ibitego 14, irusha ibitego 4 As Kigali banganya amanota.


As Kigali niyo ihanganye na APR FC 

APR FC ntiratakaza umukino uyu mwaka aho yanganyije gusa na As Kigali banahanganiye igikombe. Ku munsi wa nyuma wa shampiyona, As Kigali izahura na Police FC, APR FC ihure na Rutsiro FC bazaba bakinnye bwa mbere mu mateka y'aya makipe mu mikino ya Shampiyona.

APR FC imaze gukina imikino 3 ya Gicuti na Rutsiro gusa yose irangira mu buryo bugoranye, kuko umukino wa mbere APR FC yatsinze Rutsiro igitego 1 ku busa, umukino wa 2 banganya 0-0 umukino wa 3 wabaye tariki 22 Mata ubera kuri sitade Amahoro i Remera, APR FC itsinda Rutsiro igitego 1 ku busa cyatsinzwe na Ruboneka Bosco ku munota wa 32.


APR FC ntakosa 

Bisengimana Justin si ubwa mbere yaba abangamiye APR FC kuko na 2019 yagize uruhare mu ibura ry'igikombe Kuri APR FC kuko yayitsinze ibitego 3-2 agitoza Sunrise FC. APR FC itakaje umukino wa Rutsiro FC cyangwa bakanganya, yabura igikombe cya Shampiyona, ndetse ikanabura itike ya CAF Champions League, n'agahigo ka Adil kagashyirwaho umutemeri baramutse batsinzwe.


Rutsiro iherutse kwisasira Rayon Sports 

APR FC vs Rutsiro FC ni umukino APR FC ihabwa amahirwe yo gutsinda ariko ushobora  kugira umwaka imfabusa kuri iyi kipe mu gihe As Kigali yatsinda Police FC, APR FC ntibone amanota atatu.






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Jean Marie kimisagara2 months ago
    Intego neshatu 1gutsinda 2kurangiza champion tudatsinzwe 3gutwara igikombe kikajya mubindi Ndumva rero rutsiro kutubuza iyonsinzi byagorana ! Nako ntibishobok.
  • TUGIRIMANA J BOSCO2 months ago
    TWISHIMIYE INSINZI YIKIPE YACU APR FC ITWARA IGIKOMBE .TUZAYIGWA INYUMA.



Inyarwanda BACKGROUND