RFL
Kigali

USA: Umuramyi Reagan Da Promota yateye ivi asaba umukunzi we Yvonne kuzamubera umugore-AMAFOTO

Yanditswe na: Mupende Gedeon Ndayishimiye
Taliki:13/06/2021 15:05
0

Kimazi Reagan benshi bazi nka Reagan Da Promota mu muziki wa Gospel, yateye intambwe iganisha ku kurushinga aho yamaze kwemererwa n'umukunzi we kuzabana ubuzirahereza. Ni nyuma y'uko uyu musore ateye ivi agasaba umukunzi we kuzamubera umugore undi akamwemerera atazuyaje.



Reagan Da Promota ubarizwa muri Leta Zunze Ubumwe za Amerika ni umuhanzi mu muziki wa Gospel wanabaye umunyamakuru akiba mu Rwanda. Azwi nanone mu gushyigikira abanyempano mu muziki, akabafasha gukora indirimbo. Indirimbo yamenyekaniyeho cyane ni iyitwa 'Ndagushima' yakoranye na Mandela. Nyuma yaho yakoze izindi zitandukanye zirimo 'Ingabire' yahurijemo abahanzi benshi barimo na Aline Gahongayire, Nzahora ndirimba yakoranye na Prosper Nkomezi na Aime Uwimana, Hallelujah yakoranye na Mandela n'izindi.

Amakuru mashya kuri uyu musore Reagan Da Promota ni uko yamaze kwambika impeta umukunzi we Yvonne Teta Bagorora bitegura kubana. Ni mu biroro byabaye ku mugoroba wo kuri uyu wa Gatandatu tariki 12 Kamena 2021 bibera muri Amerika. Mu kiganiro na Inyarwanda.com, Reagan Da Promota yavuze ko umukunzi we ari mwiza cyane akaba anaca bugufi ukongeraho no kuba yubaha Imana. Ibyo ni byo yamukundiye, bituma afata umwanzuro wo kumusaba kuzabana nawe iteka.

Yagize ati "Umukobwa yitwa Yvonne Teta Bagorora, namukundiye ko ari umukobwa mwiza unaca bugufi kandi akubaha Imana cyane. Kuri uyu wa 6 ni bwo namusabye ko tuzabana maze mwambika impeta". Ni ibirori byitabiriwe n'inshuti za hafi za Reagan ndetse n'izo ku ruhande rw'umukobwa, bikaba byabereye muri Leta Zunze Ubumwe za Amerika muri leta ya Michigan, mu mujyi wa Grands Rapids. Izindi gahunda z'ubukwe, yavuze ko zizakurikiraho mu minsi iri mbere.

Reagan yashimiye cyane umusore witwa Fidel Image usanzwe afata amashusho hariya muri Amerika wamufashije mu buryo bw'umwihariko kugira ngo amashusho n'amafoto bise neza. Umukobwa yambitse impeta akamwemerera kuzabana ubuzima bwabo bwose, bamenyanye mu mpera z'umwaka wa 2017, ibisobanuye ko aba bombi Reagan na Yvonne barimo gusatira kuzuza imyaka ine bamaze bari mu rukundo".

Yvonne yabwiye 'YEGO' umukunzi we Reagan


Reagan na Yvonne bamaze imyaka hafi 4 mu rukundo


Inshuti zabo za hafi zifatanyije nabo kuri uyu munsi ukomeye mu mateka y'urukundo rwabo






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND