RFL
Kigali

Integuza y’indirimbo nshya ‘Amabiya’ ya Mico The Best ikomeje kuvugisha abatari bake

Yanditswe na: Umukundwa Josue
Taliki:12/06/2021 13:10
0


‘Amabiya’ ni ijambo riri ku nteguza (Cover) y’indirimbo Mico The Best amaze iminsi itatu ashyize hanze ndetse abwira abantu ko agiye 'gucurika ikibuga'.



Wakwibaza ngo indirimbo ‘Amabiya’ igiye gutuma ikibuga cy’umuziki nyarwanda Mico The Best agicurika imeze gute? Ese koko ikibuga cyari gicuramye? Byose ni mu ndirimbo agiye gushyira hanze. Mico The Best ni umuhanzi uri mu bakunzwe unaherutse gutwara igihe cy’indirimbo y’umwaka aho indirimbo ye 'Igare' yahize izindi mu irushanwa ryateguwe na Kiss Fm. Iyi ndirimbo imaze kurebwa na Miliyoni ebyiri n’ibihumbi 400 mu mezi cumi na kumwe imaze isohotse ndetse akaba ari nayo ndirimbo afite yarebwe n’abantu benshi.

Mu bitekerezo bitandukanye byagiye kuri iyi nteguza y'indirimbo ya Mico The Best, turibanda ku byatanzwe n'abantu bakurikiranira hafi umuziki nyarwanda ariko bakaba barabinyujije ku nteguzo Mico The Best yashyize kuri Instagram ye. Bamwe muri bo bavuze ko uko bimeze kose iyi ndirimbo ishobora kuba ari igishegu, abandi bati iyi ndirimbo irarikora cyangwa ngo iratuma ikibuga gicurikwa.

Iyi nteguza ikimara kujyaho umujyanama Alex Muyoboke yagiye ahandikirwa ibitekerezo agira ati ’’Amaki? Sha noneho hit ya summer". Junior umenyerewe mu gusobanura filime nawe ati "Curika ishyano n'ubundi nta myaka 100". Umusobanuzi wa Filime, Rocky yagize ati "Nzabivuga uko biri amaherezo".

Julius Chita nawe ati "Na n'ubu sindasobanukirwa", akurikirwa n’umunyamakuru Lucky Nzeyimana wa Televiziyo Rwanda wagize ati "Amabiya azarikoraaaaa’’. Umunyamakuru Gentil Gedeon wa KT Radio we yagize ati "Tubaye tutarakira Abanamba waduteje none uvanzemo n'Amabiya?"

Juniro ni umwe mu batanze ibitekerezo iyi nteguza ikimara kujya hanze

Ibi byose ni ibitekerezo by’abantu batandukanye baherekeresheje iyi nteguza y’indirimbo ‘Amabiya’ itegerejwe na benshi kandi uko bandikaga abenshi banakurikizagaho utumenyetso (Emojis) two guseka twerekana ko bishimiye iyi ndirimbo cyangwa se bayitegerezanyije amatsiko.

 







TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND