USA: Jef King yateguje indirimbo nshya yise ‘Mwaminifu’ yahuriyemo na Dunny B na Nick Charles

Joseph Uwimana Maombi [Jef King- Jef King Music] ni umuhanzi ukunze kugira ishyaka rikomeye muri muzika yo kuramya no guhimbaza Imana akabigaragariza mu buryo agenda akora indirimbo zitandukanye. Nyuma y’iyo yise Asante na Icyubahiro zakiriwe neza cyane n’abakunzi b’indirimbo zo kuramya no guhimbaza Imana muri rusange, uyu musore yateguje abakunzi be indirimbo yise Mwaminifu yafatanyije n’abandi basore batatu aribo Nick Charles na Dunny B.

Ijambo Mwaminifu ni ijambo riri mururimi rw’igiswayiri, nurishyira mu cyongereza riraba ‘Faithful-Faith, Honest’. Mu Kinyarwanda ni umwizerwa cyangwa umunyakuri. Asobanura iri jambo Jef King yavuze ko abantu bakwiriye kwiga kuba abanyakuri nka Yesu ndetse bakamenya ko Imana ariyo yonyine yabaye umunyakuri binyuze mu masezerano ndetse anavuga ko iyi ndirimbo igamije kwigisha abantu guhindukirira Imana bakaba abizerwa n’abanyakuri kuriyo.

Yagize ati: “Mwaminifu ni ijambo nkunda gukoresha cyane, mu by’ukuri abantu bose bakwiriye kuba abanyakuri, abantu bose bakwiriye kuba abizerwa kuri Nyagasani Imana yacu. Ngiye gusohora iyi ndirimbo vuba gusa ndasaba buri umwe wese uzayireba kuyirebana umutima umenetse ndetse akamenya ko Imana idukeneye nk’abizerwa kuri yo”.

Jef yasabye Anyarwanda n’abakunzi be muri rusange gukomeza gushyigikira umuziki we binyuze kuri Channel ye ya Youtube [Jef King Music], bagakomeza kumuha ibitekerezo byubaka mu rwego rwo gushyigikira umuziki we. Dunny B na Nick Charles basanzwe ari abahanzi nabo b’indirimbo zo kuramya no guhimbaza Imana.

REBA HANO INDIRIMBO 'ASANTE' JEF KING AHERUTSE GUSHYIRA HANZE