Mu rugendo rugera ku mwaka, Mukura yongeye kubona intsinzi

Wari umukino w'ishiraniro, Mukura yamanutse mu kibuga ikeneye amanota ya mbere kugira ngo igire icyizere cyo kuguma mu cyiciro cya mbere. 

Abakinnyi Mukura yari yabanje mu kibuga: Nzeyurwanda Djihad, Mutijima Janvier, Olih Jacques, Opoku Williams, Ngirimana Alex, Vincent Adams, Mugisha Bonheur, Biraboneye, Tuyishime Eric, ndetse na Nyarugabo Moise.

Mateso yari yakoze impinduka zitandukanye 

Mukura yamanutse mu kibuga imaze imikino 11 nta ntsinzi ndetse byanatumye mu bwumvikane hemezwa ko Mateso wari umutoza wungirije ariwe ugomba gutoza imikino 5 isigaye ngo shampiyona irangire, byabaye n'amahire kuri we abona amanota 3 ya mbere.

Aba bakinnyi bambara umuhondo n'umukara bahise bazamuka mu manota aho bafite amanota 4 mu mikino 3 bamaze gukina bakaba bari ku mwanya wa 5 mu makipe arwana no kutamanuka mu cyiciro cya kabiri. Mukura kuri iki Cyumweru irahita icakirana na Musanze FC mu mukino uzabera ku Bworoherane.