RFL
Kigali

Filime 24 zihatanye mu iserukiramuco rya Cannes Film Festival rikomeye ku Isi

Yanditswe na: Janvier Iyamuremye
Taliki:4/06/2021 13:00
0


Abategura Iserukiramuco Mpuzamahanga ribera mu Bufaransa mu Mujyi wa Cannes (Festival de Cannes) bamaze gutangaza filime 24 zihataniye ibihembo.



Umuyobozi Mukuru w’iri rushanwa Pierre Lescure n’umwungirije Thierry Frémaux batangaje filime 24 zatoranyijwe mu muhango wabaye hifashishijwe ikoranabuhanga mu ijoro ry’uyu wa Kane tariki 3 Kamena 2021.

Uyu muhango watambukaga imbona nkubone ku mbuga nkoranyambaga z’iri rushanwa no kuri Youtube wabereye ahitwa UGC Normandie mu nyubako y’imyidagaduro mu Mujyi wa Paris mu Bufaransa.

Iri serukiramuco rihatanyemo filime zikomeye ku Isi zateguwe na bamwe mu basanzwe bafite ibihembo bikomeye muri iri serukiramuco rihuruza imbaga ku Isi.

Harimo nka Nanni Moretti ufite filime nshya ‘Tre Piani’, François Ozon watanze filime Croisette with Tout S’Est Bien Passé, Iranian director Asghar Farhadi [Un Héros (A Hero)], Jacques Audiard [Croisette with Paris 13th District] n’abandi.

Iri serukiramuco rigiye kuba ku nshuro ya 72 nyuma yo gusubikwa mu 2020 kubera Covid-19. Abaritegura bavuze ko bakajije ingamba zo kwirinda Covid-19, aho abazitabira bazajya bapimwa Covid-19 buri nyuma y’amasaha 48.

Abategura iri serukiramuco kandi baravuga ko babona rishobora kuzitabirwa na benshi nka mbere y’umwanduko wa Covid-19.

Ikinyamakuru Hollywood kivuga ko ibihugu byo mu Burayi harimo n’u Bufaransa byitegura gufungura imipaka yabyo tariki 09 Kamena 2021, yari yarafunzwe kubera ingamba zo kwirinda Covid-19.

Filime zizegukana ibihembo zizamenyekana mu muhango uzaba tariki 06 Kamena 2022 kugera tariki 17 Kamena 2022 mu Mujyi wa Cannes mu Bufaransa.

Kuva mu 2003, iri serukiramuco ryiswe International Film Festival, ryerekanirwamo filime z’ubwoko bwose. Ryashinzwe ku wa 20 Nzeri 1946.

Umunyarwandakazi Miss Sonia Rolland ni umwe mu bamaze kwitabira iri serukiramuco. Mu 2018 yatoranyijwe mu bahanga muri sinema bakoze filime nziza ku bagore.

Filime ye yise ‘Femmes du Rwanda’ yerekanwe mu Cyumweru cyahariwe filime zivuga ku bagore muri iri serukiramuco. 

Iserukiramuco rya Cannes Film Festival ryasubukuwe nyuma y’uko mu 2020 risubitswe kubera Covid-19

Urutonde rwa filime 24 zihataniye ibihembo mu iserukiramuco rya Cannes Film Festival

1. "Annette" by Leos Carax, France

2. "The French Dispatch" by Wes Anderson, US

3. "Benedetta" by Paul Verhoeven, Netherlands

4. "A Hero" by Asghar Farhadi, Iran

5. "Tout s'est Bien Passé" (Everything Went Well) by Francois Ozon, France

6. "Tre Piani" (Three Floors) by Nanni Moretti, Italy

7. "Titane" (Titan) by Julia Ducournau, France

8. "Red Rocket" by Sean Baker, US

9. "Petrov's Flu" by Kirill Serebrennikov, Russia

10. "Par un Demi-Clair Matin" (now known by the title "France") by Bruno Dumont, France

11."Nitram" by Justin Kurzel, Australia

12."Memoria" by Apichatpong Weerasethakul, Thailand

13."Lingui" by Mahamat-Saleh Haroun, Chad

14."Les Olympiades" (Paris' 13th District) by Jacques Audiard, France

15."Les Intranquilles" (The Restless Ones) by Joachim Lafosse, Belgium

16."La Fracture" by Catherine Corsini, France

17."The Worst Person in the World" by Joachim Trier, Norway

18. "Compartment No 6" by Juho Kuosmanen, Finland

19."Casablanca Beats" by Nabil Ayouch, France-Morocco

20"Ahed's Knee" by Nadav Lapid, Israel

21. "Drive My Car" by Ryusuke Hamaguchi, Japan

22."Bergman Island" by Mia Hansen-Love, France

23."The Story of My Wife" by Ildiko Enyedi, Hungary

24."Flag Day" by Sean Penn, US Umuyobozi Mukuru w’iri rushanwa Pierre Lescure n’umwungirije Thierry Frémaux batangaje filime 24 zitahataniye ibihembo muri uyu mwaka






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND