Biravugwa ko mu 2020 Bill Gates yaretse kuyobora Microsoft nyuma y'uko bimenyekanye ko yaryamanaga n'umukozi we

Ni nyuma y'uko byatangajwe ko umuherwe Bill Gates yaryamanaga n'umukozi we umukorera mu kigo cya Microsoft, byakomeje gucicikana mu bitangazamakuru byinshi aho bivugwa ko uyu mukire muri 2020 yaba yaravuye ku mwanya w'umuyobozi mukuru w'iki kigo kubera kuba yarakoze ikosa ryo kugirana umubano wihariye n'umukobwa umukorera.

Komite ya Microsoft ikaba yarishyuye umunyamategeko ushinzwe gukurikirana iki kibazo cya Bill Gates waryamanye n'umukozi we nk'uko The Wall Street Journal yabitangaje. Ibi kandi byatangajwe nyuma y'uko umunyamategeko wa Bill Gates witwa Ronald Olson yari yavuze ko iki kibazo cyabaye kandi kiri mu byatumye uyu muherwe atandukana na Melinda Gates wahoze ari umugore we mu myaka 27 ishize.

Ku rundi ruhande ntabwo biremezwa neza niba koko bwana Bill Gates yaba yarirukanywe cyangwa yariyeguje nk'uko byari byatangajwe. Ibi kandi ntibyabujije ko ibinyamakuru nka Forbes Magazine, Vanity Fair bitangaza ko kwegura kwa Bill Gates kwabaye nyuma y'uko ibanga rye ryo kuryamana n'umukozi we ryagiye hanze.

Biravugwa kandi ko komite ya Microsoft yongeye kuba yatangira iperereza ngo imenye birambuye umubano wa Bill Gates nuyu mukozi bari bamaze igihe baryamana mu ibanga mbere yuko bimenyekana mu mpera za 2019 ubwo uyu mukozi yandika ibaruwa bikubiyemo.

Src:www.CNN.com,www.Vanityfair.com