RFL
Kigali

Manchester United n'ubwo itazatwara shampiyona, ishobora gusiga agahigo kari gafitwe na Arsenal

Yanditswe na: ISHIMWE Olivier Ba
Taliki:16/05/2021 10:05
0

Manchester United ifite amahirwe ku munsi wa nyuma wa shampiyona yo kuba ikipe ya 3 irangije shampiyona idatsinzwe umukino wo hanze.



Ejo bundi ubwo Man United yatsindaga Aston Villa ibitego 3-1 wari umukino wa 18 muri uyu mwaka w'imikino yari imaze idatsindirwa hanze cyangwa yasuye.

Tariki 23 Gicurasi nibwo Manchester United izakina umukino wa nyuma wa shampiyona uzanabera hanze ubwo izaba yasuye Wolves ku kibuga cyayo. N'ubwo iyi kipe yitwara neza hanze ariko iwayo imaze gutsindwa imikino 6 ya shampiyona harimo umukino uheruka banyagiwe na Liverpool.


Izindi kipe 2 zisanganywe ako gahigo harimo ikipe ya Preston North mu 1888-89 yamaze umwaka wose idatsindiwe hanze mu mikino 22 amakipe yakinaga, 11 yo hanze Preston North yatsinzemo 8 inganya 3 iba ishyizeho agahigo uko.


Arsenal aya mateka yayakoze 2 

Ibyo byasabye imyaka isaga 113 kugira ingo indi kipe ibikore. Mu 2001-02 Arsenal yashyizeho ako gahigo ndetse kari hejuru cyane mu 2003-04 ubwo iyi kipe yamaraga umwaka w'imikino idatsinzwe umukino n'umwe. Mu 2001-02 Arsenal mu mikino 19 yo hanze yakinnye yatsinzemo 14  inganya 5 yari isigaye.


Preston North niyo kipe yakoze aya mateka bwa mbere

Mu 2003-04 Arsenal yongeye gukora ako gahigo inganya imikino 8 itsindamo 11, kuva ubwo kugeza ubu Manchester United niyo ishobora gukora ako gahigo ikaba ikipe ya 3 yamaze shampiyona yose idatsindiwe hanze.

Mu mikino 18 Manchester United imaze gukinira hanze ifitemo intsinzi 11 inganyije imikino 7 ubwo hasigaye umukino umwe.






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND