Nyuma y’umukino wa Rayon Sports na Rutsiro FC wabereye kuri Stade Amahoro yari yahindutse nk’intabire, Minisiteri ya Siporo yafashe umwanzuro wo kwimura amakipe yahakiniraga, ajyanwa kuri Stade y’Akarere ka Bugesera.
Amakipe yo mu itsinda rya B niyo yakiniraga kuri Stade Amahoro, hakiyongeraho AS Kigali na Police FC nazo zakiniraga kuri iki kibuga, imikino yazo yose ikaba yimuriwe mu karere ka Bugesera.
Mu ibaruwa Ishyirahamwe ry’umupira w’amaguru mu Rwanda ‘FERWAFA’ yageneye amakipe bireba ku gicamunsi cyo kuri uyu wa gatatu tariki ya 12 Gicurasi 2021, iragira iti:
“Ku Bayobozi b’amakipe ya Rayon Sports, Kiyovu Sports, Gorilla FC, Bugesera FC, Police FC na Gasogi United,
Impamvu: Ku bamenyesha impinduka kuri Primus National League zijyanye n’ibibuga n’amasaha by’imikino.
Bayobozi,
Tubandikiye tugira ngo tubamenyeshe ko Minisiteri ya Siporo yatumenyesheje ko ikibuga cyo kuri Stade Amahoro gihagaritswe gukinirwaho kubera ko cyangiritse kikaba kigiye kubanza gutunganywa.
Kubera iyo mpamvu turabamenyesha ko imikino ya Primus National League 2021 yari ihateganyijwe yimuriwe ku bindi bibuga.
MINISPORTS yafashe iki cyemezo nyuma y’umukino Rayon Sports yanganyijemo na Rutsiro FC 1-1, ukaba warakiniwe mu kibuga cyangiritse cyane bikaba byarabangamiye amakipe yombi.
Ku wa gatanu tariki ya 14 Gicurasi 2021, Saa Sita n’igice z’amanywa, Rayon Sports na Kiyovu zizesurana kuri Stade ya Bugesera.
Ibaruwa imenyesha amakipe yakiniraga i Remera ko yimuriwe i Bugesera
Eng
RSS 
Kiyovu na Gasogi nazo zajyanwe i Bugesera
TANGA IGITECYEREZO