RFL
Kigali

Uku kwezi kwabihiye Barack Obama! Nyuma ya Nyirakuru witabye Imana na Mukase aratabarutse

Yanditswe na: David Mayira
Taliki:14/04/2021 14:29
0


Hari igihe kigera umuntu akisanga mu bihe bibi. Ntawakwirengagiza ko uwahoze ari Perezida wa Leta Zunze Ubumwe za Amerika, Barack Obama yagize ibyago guhera mu mpera za Werurwe 2021 agapfusha Nyirakuru none hakurikiyeho Mukase witwa Kezia Obama.



Kezia Aoko Obama, atabarutse afite imyaka 81 y’amavuko, akaba yari mukase w’uwahoze ari Perezida wa Leta zunze ubumwe za Amerika, Barack Obama na nyina wa barumuna be, Auma Obama na Malik Obama.


Auma Obama, mushiki wa Barack Obama, niwe watangaje urupfu rwa Nyina ku mbuga nkoranyambaga. Urupfu rwe ruje nyuma y'ibyumweru bike nyuma y'umukurambere w'umuryango Sarah Obama wapfiriye mu bitaro bya Jaramogi Oginga Odinga i Kisumu ku ya 29 Werurwe 2021 afite imyaka 99, tariki 30 Werurwe 2021, Sarah yashyinguwe iwe i Kogelo, mu Ntara ya Siaya.

Bivugwa ko Kezia Aoko Obama yapfuye ubwo yari ari kwivuriza mu bitaro byo mu Bwongereza, apfuye yari arembye nk’uko Sarah Obama yari amaze iminsi arwaye akaza kugwa mu bitaro nk’uko ibinyamakuru byo  muri Kenya  birimo Standardmedia na Daily Nation byabitangaje.


Kezia Obama ari kumwe na Michelle

Obama Sarah Onyango Obama yari umugore wa gatatu wa Sekuru wa Barack Obama wabaye Perezida wa Amerika ni ukuvuga ko yari Nyirakuru wa Barak Obama yatabarutse afite imyaka 99, Citizen itangaza ko Kezia Obama Mukase wa Barack Obama atabarutse afite imyaka 81.


Nyirakuru wa Barack Obama nawe aherutse kwitaba Imana






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND