RFL
Kigali

Pedro Someone ufatanya muzika n'ubuganga yishimiye gukingirwa Covid-19 anamara impungenge abafitiye ubwoba urukingo-AMAFOTO

Yanditswe na: Mupende Gedeon Ndayishimiye
Taliki:5/03/2021 14:53
0


Niyigena Jean Pierre uzwi mu muziki nka Pedro Someone ari mu baganga bo mu Rwanda bahawe urukingo rwa Covid-19 kuri uyu wa Gatanu tariki 05/03/2021. Nyuma yo guterwa uru rukingo, twaganiriye nawe amara impungenge benshi bafite amakuru y'ibihuha ku rukingo rw'icyorezo cya Coronavirus gihangayikishije Isi n'u Rwanda rurimo.



Pedro Someone yakingiriwe Covid-19 mu Karere ka Kamonyi ku kigo nderabuzima cya Nyamiyaga nk'uko yabitangarije Inyarwanda.com. Urukingo we na bagenzi be bahawe ni urwitwa AStra zeneca. Uyu muhanzi avuga ko buri gihe iyo haje ikintu gishya abantu bose ntibabyumva kimwe ari nayo mpamvu hari n'abari kuvuga amakuru atari yo ku rukingo rwa Covid-19. Nk'umwe mu barutewe kandi akaba anakora mu kinganga, yamaze impungenge abantu bafite amakuru y'ibihuhu kuri uru rukingo.


Pedro Someone ubwo yaterwaga urukingo rwa Covid-19

Pedro Someone yavuze ko nyuma yo guhabwa urukingo rwa Covid-19, hashize iminota 30 abaganga barumuhaye barimo kureba ko nta kibazo ari buhure nacyo nk'uko bikorwa no zindi nkingo zose. Iyo minota yarangiye nta kibazo na kimwe afite, akomeza akazi ke. Ati "Nakingiriwe hano muri Kamonyi kuri Nyamiyaga Health Center, nyuma yiminota 30 barimo bareba ko nta kibazo nagira kimwe no ku nkingo bisanzwe nakomeje akazi".

Yavuze ko impamvu yemeye kudusangiza ibijyanye n'uko yatewe urukingo rwa Coronavirus ari ukumara impungenge abantu bafite amakuru y'ibihuha ku rukingo rw'iki cyorezo. Ati "Intego nyamukuru ni ukumara impungenge abakeka ko rutera ibibazo. Yavuze ko impamvu bashyiraho iriya minota 30 ari ukureba 'ko nta kabazo wagira kimwe no ku zindi nkingo zisanzwe bareba umuntu hagati ya 15 na 30 minutes ko nta reaction agira'.

Niyigena Jean Pierre ari we Pedro Someone akazi akora mu buzima bwa buri munsi ni ubuganga akabifatanya na muzika. Yashimiye Imana na Leta y'u Rwanda kuba yatewe urukingo rwa Covid-19. Ati "Ndashimira Imana, nishimiye gukingirwa Covid-19, nshimiye Leta y'u Rwanda yaduhaye urukingo, kandi n'ingamba zo gukomeza kwirinda Covid-19 ndazikomeje." Yahamije ko urukingo rwa Covid-19 ari rwiza cyane. Ati:

Nk'umuforomo ukorera ku bitaro bya Remera Rukoma, ndabwira abantu bagifite impungenge z'urukingo ko ahubwo ibihuha bumva baruvugaho atari byo nk'ubugumba, kurwara Covid-19, ngo ni akuma bagushyiramo k'ikoranabuhanga n'ibindi, ibyo byose ni ibihuha, yewe reka mbahe n'urugero. Ku rukingo rwa hepatite B (indwara y'umwijima B narwo rukiza wasangaga ruvugwaho ibihuha none ubu ndabizi ko abantu benshi bazi ubwiza bwarwo yewe na Covid-19 urukingo rwayo ni rwiza pe! Ni ingirakamaro kuturinda.

Pedro Somone, indirimbo azwiho ni iyitwa 'Umwaka urarangiye', 'Umugore mwiza', 'Impugenge', 'Impeta', 'Ngushimire', 'Ndagukunda', n'izindi zitandukanye. Hashize igihe kinini atumvikana mu muziki bitewe n'uko yari ahugiye cyane mu masomo ye y'ikiganga, mu mpera z'umwaka ushize akaba ari bwo yahawe impamyabumenyi y'icyiciro cya kabiri cya Kaminuza mu ishami ry'Ubuforomo (General nursing) yakuye muri Kaminuza ya Gitwe.


Pedro Someone yatanze ubutumwa ku bantu bafite amakuru atariyo ku rukingo rwa Covid-19



Nyuma yo gukingirwa Covid-19 Pedro Someone yahise asubira mu kazi


Pedro Someone ni umuhanzi akaba n'umuganga


Pedro Someone aherutse guhabwa impamyabumenyi y'icyiciro cya 2 cya kaminuza muri 'General Nursing'

REBA HANO 'UMUGORE MWIZA' INDIRIMBO YA PEDRO SOMEONE










TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND