Umuhanzi R. Kelly, umaze imyaka isaga 2 afungiye muri gereza ya Metropolitan i Chicago aho akurikiranweho ibyaha bigera kuri 22, kubera ubuzima bushobora kwibasirwa cyane na Coronavirus, yahawe urukingo mu ba mbere.
Nk’uko TMZ ibitangaza, R.Kelly ategereje kuburanishwa muri Illinois i New York ku byaha 22 birimo gufata ku ngufu abana b'abakobwa batagejeje ku myaka y'ubukure. Yagiye yumvikana kenshi asaba kurekurwa ku bwo gutinya iyi ndwara ya Coronavirus, aho yashimangiraga ko iramutse imusanze muri gereza anagira ibibazo by'uburwayi bwa Diyabete, yahita apfa, bityo agatakamba cyane.
R.Kelly w'imyaka 47 y'amavuko, mu mpera za 2019 icyorezo cya Coronavirus kimaze kugera ku isi, yahise asaba gufungurwa yitwaza ko afite uburwayi bwa Diyabete. Ikifuzo cye cyatewe utwatsi ahubwo akomeza kwitabwaho n'abaganga ari muri gereza.
Bivugwa ko amaze guhabwa inkingo ishuro ebyiri.
Amakuru avuga ko muri Mutarama 2021, yakiriye urukingo rwa mbere, urwa kabiri arufata muri uku kwezi. Ku byaha aregwa, birimo ihohotera rishingiye ku gitsina no kubakoresha ku gahato, gucuruza abakobwa batarageza ku myaka y'ubukure, gukora amashusho y'urukozasoni akoresha abana bato no kugerageza gusibanganya ibimenyetso, n'ibindi.
Nk’uko ibiro bishinzwe amagereza bibitangaza, R.Kelly ni umwe mu bagororwa barenga 60 bakingiwe Covid-19 mu kigo cya Metropolitan i Chicago, gusa ntabwo hatangajwe ubwoko bw'urukingo bahawe. R.Kelly yashyizwe imbere kurusha imfungwa zikiri nto muri gereza kubera ko imyaka ye imutera ibyago byinshi.
N'ubwo R.Kelly ategerejwe imbere y'urukiko, ahakana ibyaha aregwa harimo ahanini ibyo yakoze mu mwaka wa 1998 ubwo yifataga amafoto ari gusambanya abana b'abakobwa 4 batari bakagejeje ku myaka y'ubukure.
R.Kelly arengwa ibyaha bigera kuri 22
Eng
RSS 
TANGA IGITECYEREZO