Minisitiri w'Intebe w'u Buhinde, Narendra Modi akimara guterwa urukingo rwa Covid-19 yahise asaba buri muhinde wese kwihutira kuruterwa mu kugabanya ubwandu.
Bwana Narendra Modi wahawe urukingo rwakorewe mu gihugu rwitwa AXIN, mu butumwa yashyize kuri Twitter yagize ati: "Buri wese akwiriye gufata urikingo rurizewe''. Uyu muyobozi w'imyaka 70 y'amavuko yahise ashishikariza abahinde bose mu bukangurambaga bwatangiye muri Mutarama bwo gukingira buri munyagihugu.
Ni urukingo yaherewe mu murwa mukuru New Dheli mu bitaro byitwa All India Institute of Medical Sciences hospital. Yagize ati: "Ndasaba umuturage wese kwikingiza bityo igihugu cyacu gishiremo Coronavirus''.
Minisitiri Narendra Modi yatewe urukingo rwakorewe muri icyo gihugu (Tweeter photo)
Kuri ubu muri icyo gihugu miliyoni 12 zimaze gukingirwa, harimo abaganga n'abayobozi. Abafite ibibazo by'ubuvuzi nabo bari kwitabwaho ndetse n'abakuze bari mu bari gukingirwa. Abafite hejuru y'imyaka 45 na 60 ariko bafite uburwayi burimo Diyabete, indwara y'umutima n'izindi bari guhabwa urukingo ku ikubitiro.
Urwo rukingo ruri gatangirwa ubuntu mu bitaro bya Leta ariko mu byigenga ruri mu bisaga 10,000 aho rugurwa $3.40 (250 rupees) kuri doze imwe. Ubuhinde bwakoze inkingo ebyiri: Astrazenecca na Axin. Kugeza ubu miliyoni 11 zanduye Coronavirus muri bo 157,000 yarabahitanye muri icyo gihugu.
Eng
RSS 
TANGA IGITECYEREZO