Kigali

Abakunzi ba Urban Boys bakomeje kubotsa igitutu kubera kubihirwa n’ibihe bitoroshye iri tsinda ririmo n'ubwo abarigize bavuga ko bafite uruhisho

Yanditswe na: Mbarubukeye Etienne Peacemaker
Taliki:23/02/2021 14:06
0


Itsinda rya Urban boys rya babiri ku rugamba muri iyi minsi abakunzi baryo basa nk’abari mu bwigunge buterwa no kubura ibihangano byo kumva.



Bamwe mu bakunzi b'iri tsinda batangiye kuryandikira ku mbuga nkoranyambaga baribaza niba rigihari cyangwa se ryarigiriye mu bindi. Icyakoro Humble Jizzo yabwiye inyaRwanda ko mu minsi iri imbere bongera gusohora ibihangano bishya.


Iyi niyo foto Humble Jizzo aheruka gupostinga kuri Instagram

Urebye kuri Instagram ya Nizo Kabosi hari ifoto aheruka gushyiraho mu minsi irindwi ishize ariko umwe mu bakunda iryo tsinda utishimye kubera kutabumva muri iyi minsi yamwandikiye amagambo arimo akababaro kenshi ati:’’Mwapfiriye ubusa abanyarwanda ukuntu nabafanaga’’.


Nizzo Kabosi iyi foto yayishyize kuri Instagram ye abafana ba Urban boys bayivugaho ibitandukanye 


Ibitekerezo byatanzwe ku ifoto ya Nizo Kabosi

Uwanditse ayo magambo yitwa Iradukunda2905 kuri Instagram. Undi witwa jrene825 yagize ati:’’Waratubihirije wangu nawe utiretse’’.

Mu gushaka kumenya icyo Urban boys ihugiyemo ku murongo wa telefoni mu kiganiro kigufi Humble Jizzo yasobanuye ko mu minsi iri imbere abakunzi babo bazongera kumva bakanabona ibihangano byabo. Ati:’’Dufite imishinga myinshi muri studio batuze mu kwezi kuri imbere turaje kandi bazatwumva’’

Iyo urebye kuri shene yabo usangaho indirimbo iheruka ari iyo bahuriyemo na Gihozo Pacifique, Herbert Skillz na Urban boyz ikaba yitwa GO low.


Humble Jizzo we hari iyo mu 2020 yahuriyemo na Famous Sogokuru yitwa Kuno yo mu kwezi kwa gatandatu mu 2020.







TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND