RFL
Kigali

Bobi Wine ikirego yashinjagamo Perezida Museveni kumwiba amajwi mu matora yagikuye mu Rukiko rw'ikirenga

Yanditswe na: Neza valens Vava
Taliki:23/02/2021 11:25
1


Nyuma y'umunsi umwe gusa impirimbanyi ya politike Robert Kyagulanyi uzwi nka Bobi Wine ahawe imodoka y'umutamenwa igura akayabo k'ama miliyoni, yasabye umunyamategeko we gukura ikirego yari yaratanze mu rukiko rw'ikirenga cyashinjaga Perezida Museveni kumwiba amajwi mu matora yabaye tariki 14 Mutarama 2021.



Muri aya matora, Perezida Yoweri Museveni yatsindiye kongera kuyobora igihugu cya Uganda ubugira gatandatu (6) ku majwi 59% ahigitse Bobi Wine bari bahanganye wagize amajwi 35%.

Bobi Wine uyoboye ishyaka ritavuga rumwe n'ubutegetsi, National Resistance Movement (NRM) yari yaratanze iki kirego mu rukiko rw'ikirenga avuga ko amatora yabayemo uburiganya no guhohotera bamwe mu barwanashyaka be. Patience Atuhaire, Umunyamakuru wa BBC i Kampala, avuga ko ubushyamirane bwabaye mbere y’amatora bwaguyemo abantu basaga ibihumbi 50.


Bobi Wine yakuye ikirego cye mu Rukiko rw'ikirenga

Uyu munyamuziki akaba n'umunyapolitike yavuze ko yahisemo kuvana iki kirego mu rukiko rw'ikirenga kuko yabonye abacamanza bazabogama yiyemeza kwimurira iki kirego cye mu rukiko rw'ibitekerezo biciye mu nzira y'umucyo. Blizz.co.ug yo muri iki gihugu yanditse ko Bobi Wine kuri iyi ngingo yagize ati "Twagikuye mu rukiko rw'ikirenga ariko ntabwo twiteze imvururu. Twakuye ikirego mu rukiko rwa Mr Owiny Dollo". 

Owiny-Dollo uhagarariye ubutabera akagira n'izina rikomeye muri uru rukiko we n'abandi bacamanza babiri mu cyumweru gishize bavuze ko Bobi Wine ari kubashyira mu rungabangabo nyuma y'uko yari atangiye uburyo bwo gusaba kuvana iki kirego muri uru rukiko.

Icyo gihe umwe mu banyamategeko ba Bobi Wine witwa Mr Anthony Wameli, muri 'Interview' kuri telefone yari yavuze ko umukiriya we yiteguye gukora igishoboka cyose ikirego cye kikavanwa mu rukiko rw'ikirenga, none yabigezeho.







TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Micho Brian3 years ago
    Big is big. Nta mwana uskya aravoma.





Inyarwanda BACKGROUND