RFL
Kigali

Ositaraliya: "Umubiri wanjye amahitamo yanjye" Intero y'abaturage biraye mu mihanda bamagana urukingo rwa Covid-19

Yanditswe na: David Mayira
Taliki:22/02/2021 15:45
0


Coronavirus ni icyorezo cyugarije isi, aho kimaze guhungabanya byinshi nyuma y'umwaka n'imisago cyigaragaye ku isi. Abahanga bakomeje gushaka umuti wabasha guhangara Coronavirus. Ubu nyuma y'aho inkingo zibonetse, muri Australia bamaganiye kure guhabwa urukingo.



Muri iyi myigaragambyo, abaturage bari kwamagana urukingo rw'iki cyorezo, bakaba bayikoze mbere yo gutangiza gahunda yo gukingira Coronavirus muri iki gihugu. Imyigaragambyo yabereye mu mijyi irimo Melbourne, Sydney na Brisbane. Abayitabiriye bagaragaye mu mihanda baririmba bati: "My Body My Choice" bisobanuye ngo "Umubiri wanjye, amahitamo yanjye."


Ibitangazamakuru byatangaje ko imyigaragambyo ahanini yari ifite amahoro, ariko abapolisi bafata abantu benshi i Melbourne babata muri yombi, ni mu gihe gahunda yo gutangiza gukingira abantu bakoresheje urukingo rwa Pfizer byatangiye kuri uyu wa mbere.

Umugenzuzi w’ubuvuzi wa Ositaraliya mu ntangiriro z'iki cyumweru yemeye by'agateganyo urukingo rwa AstraZeneca rwakozwe na kaminuza ya Oxford, biteganijwe ko ruzashyirwa ahagaragara mu kwezi gutaha. Inkingo zombi zagiye zigenzurwa kandi zimaze gukoreshwa mu bihugu byinshi.

Kuwa gatandatu Tariki 19 Gashyantare 2021, ni bwo imyigaragambyo yari yitabiriwe n’abantu ibihumbi nk'uko byatangajwe n’umunyamakuru ABC. Muri Melbourne, bamwe mu bigaragambyaga bagonganye n’abapolisi maze bamwe batabwa muri yombi.


Polisi yavuze ko abantu 15 bazahabwa ibihano kubera kurenga ku mategeko ya Covid-19. Abandi batanu bakurikiranyweho kwanga gutabwa muri yombi, kubangamira abapolisi no kwanga gutanga ibisobanuro birambuye.






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND