Umuherwe Jeff Bezos washinze uruganda rwa Amazon yongeye kwisubiza umwanya yahozeho ariwo w’umuherwe wa mbere ku isi, uyu mwanya yari yarawuvuyeho asigaye ari uwa kabiri yarasimbuwe n'undi muherwe Elon Musk.
Jeff Bezos yongeye gutungurana ubwo yasubiye ku mwanya wa mbere yahozeho w’umukire wa mbere ku isi. Ku munsi w’ejo ni bwo Jeff Bezos yisubije intebe ye ayikuyeho mugenzi we Elon Musk washinze uruganda rwa TESLA.
Ibi byabaye ubwo imigabane y’uruganda rwa Tesla ya Elon Musk yagabanukagaho 2.4% bingana na Miliyari $4.5 z'amadolari, aya mafaranga yahombye akaba ariyo yatumye ava ku mwanya wa mbere w’umuherwe ku isi nk'uko Bloomberg Billionaires Index ishinzwe kubarura abaherwe ku isi yabitangaje.
Nyuma y'uko Elon Musk yahombye akayabo ka Miliyari $4.5 z'amadolari, Jeff Bezos wari uri ku mwanya wa 2 yahise asubira ku mwanya wa mbere n’ubundi yahozeho kuri Miliyari $191 z'amadolari mu gihe Elon Musk asigaranye Miliyari $190 z'amadolari nk'uko ikinyamakuru CNN cyabigaragaje.
Jeff Bezos yisubije umwanya wa mbere w’umuherwe wa 1 ku isi nyuma y'uko yari aherutse gutangaza ko yeguye ku mwanya w’umuyobozi mukuru w’uruganda rwa Amazon yashinze.
Umuherwe Elon Musk wari umaze ibyumweru 6 ku mwanya wa mbere.
Kugeza ubu Jeff Bezos niwe uyoboye urutonde rw’abaherwe ku isi agakurikirwa na Elon Musk nawe wari umaze ibyumweru 6 ku mwanya wa 1. Ku mwanya wa gatatu hari umuherwe Bill Gates ufite akayabo ka Miliyari $133 z'amadolari.
Src:www.cnn.com,www.hollywoodreporter.com
Eng
RSS 
TANGA IGITECYEREZO