Mu gihe Tanzania kugeza ubu ikomeje kutagaragaza aho ihagaze mu bijyanye n’ubwandu bwa Covid-19 ndetse Perezida w'iki gihugu John Pombe Magufuli akavuga ko ntayirangwa mu gihugu cye, kuri ubu uyu mukuru w’igihugu yasabye inzego z’ubuzima ko urukingo ruzinjizwa mu gihugu ayoboye mu gihe berekana ko nta ngaruka ruzagira.
BBC ivuga ko
Perezida Magufuli yavuze ko "Minisitiri w’ubuzima agomba kwitonda,
bashobora kwirukira izo nkingo hadakozwe ubushakashatsi, si inkingo zose ari
nziza kuri twe, tugomba kubyitondera.Inkingo si
nziza. Iyaba umuzungu yashoboraga gukora inkingo yabaye yarakoze urwa SIDA,
Cancer n’igituntu”.
Perezida wa Tanzania, John Pombe Magufuli yatangaje ibi mu gihe ibihugu hirya no hino ku isi bikomeje gushaka uko byabona uburyo bwo gukingira ababituye, ndetse ibifite ubushobozi bwamaze kugura izihagije, urugero nka Canada yaguze inkingo zikingiye abaturage bayo inshuro enye.
Igihe yatangizaga igikorwa cyo gutera amashyamba mu karere ka Chato mu ntara ya Geita, yavuze ko ishusho y’icyorezo cya Coronavirus mu gihugu cye, maze avuga aya magambo: Turakomeza kwiyubaka kandi dushyira hamwe no gusenga, mugihe dukomeje n’akazi kacu. Murye neza muhage coronavirus inanirwe kwinjira mu mibiri yanyu”.
Kubijyanye no kuba hari ubwoko bushya bwa Coronavirus, uyu mukuru w’igihugu yagize icyo abivugaho ”Ndabizi ko hariho abaturage bamwe bamwe bavuye muri iki gihugu bakajya hanze gushakisha ubuzima, basoza bakatuzanira iyi virus nshya ya Corona. Twe kwirukira inkingo kuko buri rukingo siko rutugirira akamaro, ni ngombwa ko abatuye Tanzania tuba maso, twirinde, tuzageragezwa ariko dukomeze dusenga Imana yacu kandi dukomeze kwigengesera."
Ibyo Perezida Magufuli abivuze mu gihe Kiliziya Gatorika muri iki gihugu araye isohoye itangazo ivuga ko imibare y’abandura Covid-19 n’abicwa bagenda biyongera, isaba Abanyatanzaniya gukurikiza amabwiriza yose ajyanye no kwirinda, nubwo itigeze itangaza ko muri iki gihugu haba bari abandura iki cyorezo cyugarije isi muri rusange.
Eng
RSS 
TANGA IGITECYEREZO