“Mfite urukundo ariko gushyira mu mago bikaba ingorabahizi, mpora nibaza bipfira he?” Levy mu ndirimbo ye nshya 'Bipfira he'

Levy afite intumbero yo gutanga umusanzu mu muziki nyarwanda wifuza kugira intambwe atera akanageza kure injyana ya hiphop nyarwanda dore ko yifuza ko azajya ayikora yashyizemo umwimerere nyarwanda. Uyu musore yifuza ko abakunzi ba muzika nyarwanda bakomeza gushyigikira umuziki nyarwanda by'umwihariko Hiphop dore ko ari ijyana ikundwa n'abatari bake mu Rwanda. Kuri ubu Levy yashyize hanze indirimbo ye nshya yitwa 'Bipfira he'.

KANDA HANO WUMVE INDIRIMBO ''BIPFIRA HE' YA LEVY KU INYARWANDA MUSIC 

Levy yabajijwe na inyarwanda.com aho yakuye igitekerezo cy'iyi ndirimbo ye nshya n’ibyo aririmbamo, adusubiza agira ati ”Indirimbo yanjye nayikoze ngendeye ku byo nagiye numva nabona mbuzima bwa buri munsi abantu babamo, aho usanga umusore cyangwa inkumi ifite ubushobozi bwose bushoboka ariko kugira ngo yubake agire umuryango bikanga, agatinda mu busiribatera ugasanga bamubaza aho bipfira. Aha niho nakuye igitekerezo cyo gukora indirimbo yanjye nise Bipfira he". Iyi ndirimbo ye yakozwe na Producer Laser Beat ukorera muri The beam beat record.

                            

Umuhanzi levy avuga ko abahanzi afata nk’ab'ikitegererezo kuri we harimo itsinda ry'abasore bahirimbaniye hiphop n'ubwo nyuma baje gutenguha abakunzi b’iyi njyana, abo akaba ari Tuff Gangs hamwe na Riderman mu Rwanda, gusa hanze yarwo avuga ko Eminem uri mu baraperi b'ibihe byose ari we yigiraho byinshi.

UMVA HANO INDIRIMBO 'BIPFIRA HE YA LEVY