Umutoza Didier Gomes yamaze gusezera ikipe ya El Merreikh yo muri Sudan, bimwerekeza mu ikipe ya Simba yo muri Tanzania, nayo idafite umutoza mukuru.
Gomes wahesheje igikombe cya shampiyona ikipe ya Rayon Sports mu 2013, yafashe umwanzuro wo gutandukana na El Merreikh nyuma yo kuyifasha kugera mu mikino y'amatsinda ya Champions League, isezereye Enyimba FC yo muri Nigeria.
Didier Gomes yahesheje igikombe cya shampion Rayon Sports mu 2013 ubwo iyi kipe yabaga i Nyanza
Simba nyuma yo gutandukana n'umutoza wayo mukuru Sven Vandenbroeck, uyu mwanya uracyari ku isoko ariyo mpamvu ibinyamakuru bitandukanye byo muri Tanzania, biri guha amahirwe Didier Gomes umaze gutoza amakipe 8 yo muri Afurika kuba yakomereza urugendo rwe muri Simba.
Gomes kandi yari yarifuje gutoza ikipe ya Mukura Victory Sports ariko umushahara we uhenze umuvana mu batoza bahataniraga uyu mwanya. Gomes kuva yava mu Bufaransa, amaze gutoza amakipe 8 arimo Rayon Sports yatoje 2012-13, Coton Sport 2015-16, Cs Constantine 2016-17, JSM Skikda 2017-18, Ethiopian Coffew 2019, Horoya AC 2019-20, Ismaily 2020, na Al-Merrikh yatandukanye nayo.
Eng
RSS 
TANGA IGITECYEREZO