CHAN 2020: Amavubi amaze gutsinda imikino 4 muri 14 ya CHAN, Moroc imaze gukina 12 idatsindwa: Urufunguzo ruri he?

Maroc ifite iki gikombe giheruka iraza kwakira Amavubi ku isaha ya saa kumi n'ebyiri z'umugoroba. Ni umukino Maroc ishaka gutsinda igahita igira amanota 6 byatuma ihita ibona tike ya kimwe cya 1/4 nta yandi mananiza abayeho. Imikino ibanza Maroc yatsinze Togo igitego 1-0, Amavubi anganya na Uganda 0-0.

Maroc ubu niyo iyoboye itsinda C

Maroc imaze imikino 4 itinjizwa igitego, ariko ikamara imikino 6 kuri 7 nta gitego yinjizwe mu mikino ya CHAN. Ikipe y'igihugu ya Maroc iheruka gutsindwa muri CHAN, ubwo yari yitabiriye imikino yabereye mu Rwanda mu 2016 igatsindwa igitego 1-0 n'ikipe ya Ivory Coast, Maroc yahuye n'Amavubi muri iryo rushanwa ari nawo mukino uheruka kubahuza, warangiye ari ibitego 4-1.

Sugira araba yagarutse mu kibuga nyuma y, igihano cy, amakirita yari yahawe

Amavubi amaze imikino 6 yikurikiranya nta ntsinzi gusa mu 2019 nibwo bari babonye itike ya CHAN batsinze ibitego 2-1 by'igiteranyo. Amavubi yatsinze imikino 4 mu mikino 14 amaze gukina muri CHAN, mu mikino 7 iheruka, Amavubi yananiwe gunjiza igitego mu mikino 4 ndetse indi 3 isigaye ntibigeze batsinda igitego kirenze kimwe. Mu mukino Amavubi aheruka kwitabira, yabereye muri Maroc avayo atsinze igitego kimwe, ubwo batsindaga igitego 1-0 bwa Equatorial Guinea. 

Aya makipe aheruka guhura 2016 mu Rwanda. 

Amakuru avugwa mu makipe, ku ruhande rw' URwanda Sugira Ernest uheruka gutsinda igitego rukumbi u Rwanda ruheruka muri iyi mikino, araba yagarutse ndetse byitezweko ashobora kubanza mu kibuga. Yahya Jabrane na we yitweho kwigaragaza kuko ari na we warokoye iyi kipe ku mukino wa Togo ubwo yatsindaga igitego cya Penariti.

Ku mbuga nkoranyambaga abantu benshi bari guha amahirwe Maroc

Ipima mahirwe: Maroc 2-0 Rwanda