Kigali

Arashaka kuzaba Perezida wa Amerika: Ibyihariye ku mwirabura Amanda Gorman wizihiye benshi mu irahira rya Joe Biden

Yanditswe na: David Mayira
Taliki:21/01/2021 22:01
0

Umusizi w'umwiraburakazi w'imyaka 22 y'amavuko, Amanda Gorman yagize uruhare rukomeye mu kuryoshya ibirori byo kurahira kwa Perezida wa 46 wa Leta Zunze Ubumwe za Amerika, Joe Biden, asoma umuvugo “Hill We Climb” abantu bose basagwa n’amarangamutima bituma yunguka abamukurikira kuri Instagram basaga Miliyoni 1.4.



Amanda Gorman ni umusizi wasabye gutambutsa umuvugo we mu gihe cyo kurahira kwa Perezida Joe Biden. Yavuze umuvugo uhamagarira Abanyamerika kunga ubumwe, yizihira benshi bitabiriye uyu muhango kimwe n'abawukurikiye kuri Televiziyo. Uyu mukobwa, yari asanzwe ari izina rizwi na bake mu bikorwa byo guhanga imivugo, ariko benshi bazamwibuka nk’umusizi w’intwari, wahamagariye ubumwe mu gihe cyo kurahira kwa Perezida wa 46 w’Amerika.

Amanda Gorman: Young poet gets over 1M followers after performing at Biden's inauguration

Ubutumwa bwe yatanze buhamagarira abanyamerika kunga ubumwe, bwatumye abantu bafite amazina akomeye ku isi bashima ibyo yakoze babisangiza abantu benshi ku mbuga nkoranyambaga batibagiwe gutanga izina rye ‘Amanda Gorman” nk’umuntu utangaje Amerika ifite mu bijyanye n’imivugo yuuje ubumwe n’inyigisho zunga benshi.

Amanda Gorman, yagiye imbere y’imbaga y’abantu bari bitabiriye umuhango w’irahira rya Joe Biden, afite byibuze abamukurikira ibihumbi 886 ku rukuta rwe rwa Instagram, nyuma yo kwizihira abakurikiye ibi birori, abantu benshi bifuzaga kumenya uyu musizi wagaragaye mu muhango ukomeye uwo ari we, ku munsi umwe yahise agira abayoboke 2.2M kuri Instagram.

Image

Ikipe ya Biden yari gushyira ibyerekeye umuhango we ku murongo, nayo yasangije umurongo wo mu gisigo cye gikomeye ku rukuta rwabo rwa Instagram. Umunyamakuru w’icyamamare, Oprah Winfrey nawe yasangiye umunezero we kuri Facebook wazanywe no kubona uyu musizi w’umwirabura ukiri muto akangaranije abitabiriye irahira rya Joe Biden.Michelle Obama, na we yemeye ko yaranze uwo munsi kuri Twitter, yishimira Amanda kubera imikorere ye myiza.

Amanda Gorman ushaka kuba Perezida wa USA ni muntu ki?

Amanda Gorman yavutse ku ya 7 Werurwe 1998, ni umusizi w’umunyamerika akaba n'umurwanashyaka ukomoka i Los Angeles, muri California muri Leta Zunze Ubumwe za Amerika. Ibikorwa bya Gorman byibanda ku kugaragaza ibibazo byo gukandamizwa kw'igitsinagore, irondabwoko, guhezwa ndetse no gukorera ubuvugizi Diaspora nyafurika.


Gorman muri 2015, yasohoye igitabo yise “The One for Whom Food Is Not Enough” cyivuga ku bantu baba badafite ibyo kurya. Yakoze imivugo itandukanye harimo 5 yageze kure, irimo; ‘The Miracle of Morning’, 'Making Mountains As We Run’, Talking Gets Us There ‘ “An American Lyric”, n’indi.

Gorman yize muri New Roads, ishuri ryigenga muri Santa Monica, mu cyiciro cya K - 12. Yabonye buruse ya kaminuza ya Milken Family Foundation kandi yiga 'Sociology' muri kaminuza ya Harvard. Igihe yigaga muri Harvard, yabaye umuntu wa mbere wagenewe igihembo cy’umusizi w’urubyiruko mu gihugu muri Mata 2017. Muri 2017, Gorman yatsindiye inkunga y'amadorari y'Amerika agera ku 10,000 yatanzwe na sosiyete y'itangazamakuru OZY mu rwego rwa OZY Genius Awards.

Gorman ni we washinze umuryango udaharanira inyungu ‘One Pen One Page’, uyobora gahunda yo kwandika no kuyobora urubyiruko. Muri 2017, yabaye umusizi wa mbere w’urubyiruko wafunguye igihe cy’ubuvanganzo cy’isomero. Muri 2017, kandi Gorman yabaye umwanditsi wa mbere wagaragaye mu gitabo cya XQ Institute of the Month yagiranye amasezerano na Viking Children's Books mu kwandika ibitabo bibiri by'amashusho y'abana.

Muri 2017, Gorman yavuze ko ashaka kwiyamamariza kuba Perezida wa Leta Zunze Ubumwe za Amerika mu 2036 nk'uko tubikesha CNN. Muri Gicurasi 2020, Gorman yagaragaye mu gice cy'uruhererekane rw'urubuga amwe mu makuru meza yakiriwe na John Krasinski, aho yagize amahirwe yo guhura na Oprah Winfrey.


Amanda yanyuze abitabiriye irahira rya Joe Biden






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND