Umugore yimanitse ku igorofa rya 11 kuri Hoteli ari kwifata ifoto ya Selfie bitangaza benshi-AMAFOTO

Uyu mugore utatangajwe amazina ye, amashusho ye yakwirakwiye hirya no hino ku isi, gusa yabanje gushyirwa ku rukuta rw’ikinyamakuru cyo muri Australia, 9News, berekana uburyo yari yimanitse imbere ye hahagaze umuntu wari uri muri iyo hoteli.

Umunyamakuru wa 9news, nawe yaje kwerekana iyo video y’umugore wari kwifotoza nk’ushaka urupfu, no kudatinya kubura ubuzima. Ibi byabereye muri spa i Mooloolaba (Queensland, Australia) ku munsi utaramenyekanye.

Ibyo uyu mugore yakoze byasakaye mu gihugu maze umuyobozi wa polisi yaho avuga ko uwo mugore ashobora kuryozwa icyaha cyo gushaka kwiyahura.

Yagize ati: “Bashyira ubuzima bwabo mu kaga ku bintu bidafite akamaro nk’ifoto. Kuri njye, sinshobora kumva impamvu umukobwa ukiri muto, cyangwa umuntu uwo ari we wese, yashyira ubuzima bwe mu kaga ku kintu gito cyane ”.

Src: 9NEWS,TIME24NEWS