Eric Douglas: Umunyamakuru wateje imbere imyidagaduro y'isi agatangiza irushanwa ry'ubwiza rya Miss World

Benshi mu bazi n'abitabira iri rushanwa rya Nyampinga w'isi (Miss World) bamwe ntibazi inkomoko n'igihe ryatangiriye ariko icyo wamenya ni uko umugabo witwa Eric Douglas Morley yagize uruhare nunini mu myidagaduro y'isi maze irashyuha karahava.

Eric Douglas Morley, yavutse Tariki 26 Nzeri 1918, atabaruka Tariki 9 Ugushyingo 2000, yari umunyamakuru kuri Televiziyo yo mu Bwongereza akaba ari nawe washinze irushanwa ya Miss World ndetse n'andi marushanwa yo kubyina yise "Come Dancing Tv" yacaga kuri Televiziyo.

Nyuma yo kwitaba Imana, umugore we Julia Morley, niwe wasigaye ayobora irushanwa rya Miss World, ndetse umuhungu we Steve Douglas yakomeje atanga ibiganiro byatambutswaga Se.

Eric Morley wavukiye i Holborn, London, mu Bwongereza. Yavuze ko se "yari i 'Oxford' kuko yavugaga indimi icyenda, Morley yari afite imyaka 11 igihe nyina na se bapfaga bazize igituntu. Mu gihe cy'intambara yabaye kapiteni muri Royal Army Service Corps, yakundaga kubona abantu bigadadura ibyanatumye ategura imyidagaduro y'ingabo zarwaniraga i Dunkirk.

Eric Morley yatangiye umwuga we mu bucuruzi bw'imyidagaduro mu 1945 ubwo yeteguraga komisiyo ishinzwe kuyobora ibitaramo by’ingendo muri Scotland, hanyuma, mu 1946 yinjira mu ishyirahamwe rya Maka nk'umuyobozi ushinzwe kwamamaza. Mu 1949, yashoboye kumenyekanisha kubyina kuri tereviziyo ya BBC.

Morley yari yarahinduye amarushanwa y'ubwiza bwo ku nyanja mu kwerekana imideli ku rubyiniro rwa Maka; yateje imbere ibi mu marushanwa y'ubwiza bw'igihugu 'Miss Festival of UK' yatangiye mu 1951 nk'igikoresho cyo kwamamaza i Maka maze abantu bakajya bajya i Londres muri ibyo birori, abanyamakuru bise 'Miss World', babanje gukora amarushanwa mu mazu ya Maka. Amarushanwa ya mbere yahuriranye n'Umunsi mukuru w'u Bwongereza.

Eric Morley yasuzumaga abakobwa areba 'Taille' zabo neza akoresheje ijisho

Uyu mugabo yahindutse uruganda rukomeye rwo kwidagadura no kugaburira benshi mu Bwongereza. Yakoreshaga abantu 15,000, mu bikorwa byo kubyina, kurushanwa kurya ibiryo, bingo, urusimbi, ibibuga byo gusiganwa ku rubura, ibibuga byo gukiniraho, disikuru na resitora nyinshi. Isosiyete kandi yatanze serivisi zo kugaburira no kwidagadura ku makipe menshi akomeye y'umupira w'amaguru i Londres; Arsenal, Chelsea na Tottenham Hotspur.

Igihe amarushanwa y'Abanyamerika bahanganye muri Miss Universe yatangizwaga, Morley yahinduye Miss World mu birori ngarukamwaka biba buri kwezi k'Ugushyingo. Yatangajwe kuri televiziyo bwa mbere mu 1959, maze iba icyamamare mu itangazo rya Morley yagize ati: "Nzatangaza ibyavuye muri Miss World, mu buryo butandukanye".

Iri rushanwa ryarebwaga na miliyoni 27.5 mu Bwongereza ku rwego rwo hejuru mu myaka ya za 1970 na 1980. Mu 1970, ibisasu by'ifu byajugunywe kuri compere, Bob Hope, n'abigaragambyaga. Morley yasubije abamunenga ko amarushanwa adakwiye arabareka kuko yashakaga no gutanga inkunga ku miryango itishoboye aho yakusanyije miliyoni zisaga 30 z'amapound yo gufasha. Mu 1983, yazamuye Miss World ku isoko agumana imigabane 51%.

Ku ya 9 Ugushyingo 2000, bukeye bwaho abitabiriye amarushanwa berekeje bwa mbere kuri Dome ya Millenium mu rwego rwo kwitegura imikino ya nyuma ya Miss World 2000, icyo gihe Eric yagize ikibazo cy'umutima apfira mu bitaro bya Princess Grace. Yasize isambu ifite agaciro ka miliyoni 10.6 z'amapound, ashyingurwa mu irimbi rya West Norwood, London. Miss World ubu igeze ku rwego rushimishije.