RFL
Kigali

Umwamikazi w’u Bwongereza n’umugabo we bafashe urukingo rwa mbere rwa Covid-19

Yanditswe na: Eric Misigaro
Taliki:9/01/2021 22:06
0


Queen Elizabeth II umwamikazi w’u Bwongereza w’imyaka 94 n’umugabo we Prince Philip w’imyaka 99 batangaje ko bafashe urukingo rwa covid-19. Ni umwe mu miryango ikomeye kandi yubashwe ku Isi. Magingo aya, Ubwongereza bumaze kwemeza inkingo 2.



Umwamikazi Elizabeth II niwe wa mbere uyoboye u Bwongereza igihe kirekire kurusha abandi bose. Kuri iyi nshuro Isi yose iri mu kababaro k’icyorezo cya covid-19 n'ubwo hirya no hino ingamba ziri gukazwa. Kuri iyi nshuro ubwongereza bumaze kwemeza inkingo ebyiri (Oxford-AstraZeneca&Pfizer-BioNTech jab) . 

Nyuma y’inkuru twagiye twumva zivuga ku bantu bo muryango w’ibwami mu Bwongereza barwaye covid-19 barimo igikomangoma Prince Charles, kuri iyi nshuro uyu muryango wafashe iya mbere ndetse unereka abatuye Isi n’u Bwongereza muri rusange ko covid-19 iganje kandi ntakiza nko kwikingira.

Mu Bwongereza abasaga miliyoni 1.5 bamaze gufata urukingo rwa mbere rwa Covid-19, muri bo abenshi bafite imyaka iri hejuri ya 80. Minisitiri w’intebe w’u Bwongereza Boris Johnson yatangaje ko bafite intumbero yo gukingira abasaga miliyoni 15 kugeza mu kwezi kwa gashyantare 2021.

Umwamikazi w'u Bwongereza n'umugabo we 

Kuri uyu munsi ubwami bw’u Bwongereza bufite abagera kuri 3,017,409 bamaze kwandura covid-19, cyane cyane benshi muri bo bari mu mujyi mukuru London ndetse byanatumye umuyobozi w'uyu mujyi afata ingambaza zikakaye.

Bwana Sadiq Khan uyobora London yagize ati ”Ubwiyongere mu kwandura coronavirus muri London burakabije cyane mu gihe haba nta gikozwe vuba na bwangu abantu bazapfa ari benshi”. 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND