Muri Leta Zunze Ubumwe za Amerika, imyigaragambyo y'abashyigikiye Donald Trump yaciye igikuba. Kuri ubu Konte za Twitter na Facebook bya Donald Trump byahagaritswe by'agateganyo kubera gushyigikira abari kwigaragambya banateye Inteko Ishingamategeko ya Amerika.
Bwana Trump
ni umugabo ukunze gushyira hanze ukuri kose yifashishije cyane cyane imbuga
nkoranyambaga. Kuri ubu inkuta ze yaba Facebook na Twitter byose
byahagaritwe by'agateganyo. Mu butumwa bw'amashusho Trump yanyujije ku mbuga nkoranyambaga
ze yagize ati: "Ndabakunda". Ibi yabivuze mbere yo kubabwira ngo batahe.
Yasubiyemo kandi ibirego bidafite ibihamya ko yibwe amajwi.
Ubuyobozi bwa Twitter bumaze igihe burwana inkundura yo kwamagana abarenga ku mabwiriza y’iki kigo. Twitter yahise itangaza ko ubu butumwa bwana Trump yari yashyize kuri uru rukuta ko bahita babukuraho byihuse. Konte ya Trump yahagaritswe igihe kingana n'amasaha 12. Twitter ivuga ko "kurenga ku mabwiriza ya Twitter mu gihe kizaza...bizavamo gufunga burundu konti ya @realDonaldTrump".
Trump azwiho
kudaha agaciro amabwiriza agenga abakoresha Twitter, ibi bishobora gutuma konti
ye izafungwa. Ku rundi ruhande Facebook nayo yahagaritse konti ya Trump mu gihe
cy'amasaha 24. YouTube nayo yavanyeho ubu butumwa bw'amashusho.
Facebook igira
iti "Twayivanyeho kuko yongera aho kugabanya umuvuduko w’imyigaragambyo
y'urugomo iri kuba." Abamushyigikiye bateye inteko ishingamategeko binjira
ku ngufu bituma hapfa abantu bane.
Iyi
myigaragambyo yatumye ibiganiro byari bihuje imitwe yombi y'inteko ku ntsinzi
ya Joe Biden bihagarara. Mbere y'imyigaragambyo, Perezida Trump yari yabwiye
abantu i Washington ko amajwi ye yibwe.
Hashize amasaha, ubwo imyigaragambyo yari itangiye hanze y'inteko ishingamategeko, yahise atangaza video asubiramo ibirego bye bidafite gihamya. Yabwiye abigarambya ati: "Ndabakunda" ndetse avuga ko abateye kuri iyi nzu y'inteko ari "abakunda igihugu".
Twitter ntabwo yahise ikuraho iyo video, ahubwo yabanje gukuraho uburyo bwo kuyisakaza, kuyikunda no kuyivugaho (retweet, like, comment). Gusa nyuma baje kuyivanaho ndetse bahagarika by'agateganyo konti ya Trump ubu akaba adashobora kuyikoresha n'ubwo itafunzwe.
Facebook yo yavuze ko ubu iri gushaka uko ivanaho ibintu byose byateje cyangwa bishyigikiye imyigaragambyo yabaye ku nteko ishingamategeko. Iyi myigaragambyo yateguriwe kuri internet, hakoreshejwe amatsinda y'abantu kuri Facebook no kuri konti zabo bwite.
Src: BBC
TANGA IGITECYEREZO