RFL
Kigali

Hafi ya zose zarakunzwe! Indirimbo 10 z’amashusho zakozwe na Producer Fayzo yishimira mu 2020

Yanditswe na: Janvier Iyamuremye
Taliki:30/12/2020 18:21
0

Tuyishimire Faycal Hassan uzwi kandi nka Producer Fazyo yatangaje ko muri uyu mwaka wa 2020 ugana ku musoza yarambitse ikiganza ku mashusho y’indirimbo z’abahanzi bakomeye n’abakizamuka, hafi ya zose zirakundwa bimuha umukoro wo kugura ibikoresho byiza kandi bijyanye n’igihe.



Producer Fazyo ni umwe mu bagabo bamaze kugira izina rikomeye mu mwuga wo gutunganya amashusho y’indirimbo z’abahanzi batandukanye.

Ari ku rutonde rwa ba Producer batangiranye n’uruganda rw’abatunganya amashusho y’indirimbo z’abahanzi mu buryo bugezweho.

Nibura rimwe mu kwezi hari umuhanzi usohora amashusho y’indirimbo yakorewe na Producer Fayzo. Izina rye rikunze kwandikwa ‘video’ igitangira cyangwa se ku musozo.

Fayzo yagize izina rikomeye abicyesha indirimbo zirimo nka ‘Ma Vie’ y’umuhanzi Social Mula, ‘Nk’uko njya mbirota’ ya Yverry, ‘Nta wundi’ ya Umutare Gaby n’izindi nyinshi zatumye umubare munini w’abahanzi umuyoboka.

Mu gihe umwaka wa 2020 ugana ku musoza, Producer Fayzo yabwiye INYARWANDA, ko muri uyu mwaka yatunganyije amashusho y’indirimbo z’abahanzi batandukanye bari mu byiciro bitandukanye, kandi ko bose bagiye bagaragaza ubuhanga bwihariye.

Yavuze ko yakoranye n’abahanzi bakomeye ndetse n’abakizamuka, indirimbo ya hafi ya zose zirakundwa. Ati “...Ikintu nishimira ni uko nakoranye n’abahanzi benshi batandukanye, abakuze n’abakizamuka kandi hafi ya zose zikaba zarakunzwe.”

Producer Fayzo yavuze ko mu rwego rwo kunoza akazi ke, mu 2021 ateganya kugura ibikoresho biri ku rwego ruhambaye kugira ngo azabashe gukomeza gutunganya neza amashusho y’indirimbo.

Ati “Umwaka utaha ndateganya kuzamura intera y’ibikoresho nsanzwe nkoresha, nkazamura urwego rw’amashusho nsanzwe nkora.”

Yavuze ko mu ndirimbo zose yatunganyije mu 2020 yishimira ‘Umunamba’ ya Mico The Best, ‘Yibare’ ya Danny Vumbi, ‘Igare’ ya Mico The Best, ‘Maria’ ya Nick Dimpoz na ‘Zana’ ya Dj Lenzo na Bull Dogg'.

Hari kandi 'Isubireho’ ya Nsengiyumva uzwi nka 'Igisupusupu', ‘Imparamba’ ya Cyusa Ibrahim, ‘Inyenyeri’ ya Patrick Nyamitari, ‘Narabohowe’ ya Emmy Vox na Adrien Misigaro ndetse na ‘Isezerano’ ya Mani Martin.

Indirimbo ‘Umunamba’ ya Mico The Best iri mu zimaze iminsi zivugisha abantu. Ni mu gihe indirimbo ye ‘Igare’ yamuhesheje ibihembo bibiri muri uyu mwaka birimo icy’indirimbo yakunzwe y’impeshyi cyatanzwe na Kiss Summer Awards 2020 ndetse n’igihembo cy’indirimbo y’umwaka wa 2020 yegukanye muri Isango Na Muzika Awards 2020.

Producer Fayzo yavuze ko mu 2021 azagura ibikoresho bigezweho kugira ngo azakore neza akazi ke

1.KANDA HANO UREBE AMASHUSHO Y’INDIRIMBO ‘UMUNAMBA’ YA MICO THE BEST

Iyi ndirimbo ‘Umunamba’ yasohotse ku wa 16 Ukuboza 2020 imaze kurebwa n’abantu 353,248.

 ">

2.KANDA HANO UREBE AMASHUSHO Y’INDIRIMBO ‘YIBARE’ YA DANNY VUMBI

">Ku wa 19 Gashyantare 2020 ni bwo umuhanzi Danny Vumbi yasohoye amashusho y’indirimbo ye yise ‘Yibare’ imaze kurebwa n’abantu 433, 721.

3. KANDA HANO UREBE AMASHUSHO Y’INDIRIMBO ‘IGARE’ YA MICO THE BEST

">Indirimbo ‘Igare’ ya Mico The Best yasohotse ku wa 21 Kamena 2020, imaze kurebwa n’abantu 1,932,351.

4. KANDA HANO UREBE AMASHUSHO Y’INDIRIMBO ‘MARIA’ YA NICK DIMPOZ

Iyi ndirimbo yasohotse ku wa 26 Nzeri 2020 imaze kurebwa n’abantu 9,168.

">

5. KANDA HANO UREBE AMASHUSHO Y’INDIRIMBO ‘ZANA’ YA DEEJAY LENZO NA BULL DOGG

Ku wa 06 Gashyantare 2020, ni bwo iyi ndirimbo ‘Zana’ yashyizwe kuri shene ya Youtube. Imaze kurebwa n’abantu 202,629.

 ">

6. KANDA HANO UREBE AMASHUSHO Y’INDIRIMBO ‘ISUBIREHO’ YA NSENGIYUMVA

Amashusho y’iyi ndirimbo ‘Isubireho’ ya Nsengiyumva uzwi nka Igisupusupu yasohotse ku wa 10 Kamena 2020, kuri Youtube amaze kurebwa n’abantu 851,668.

 ">

7. KANDA HANO UREBE AMASHUSHO Y’INDIRIMBO ‘IMPARAMBA’ YA CYUSA N’INKERA

Iyi ndirimbo yasohotse ku wa 04 Gicurasi 2020, imaze kurebwa n’abantu 387,651.

 ">

8.KANDA HANO UREBE AMASHUSHO Y’INDIRIMBO ‘INYENYERI’ YA PATRICK NYAMITARI

Amashusho y’indirimbo ‘Inyenyeri’ ya Patrick Nyamitali yasohotse ku wa 29 Kamena 2020, amaze kurebwa n’abantu barenga 2800

 ">

9. KANDA HANO UREBE AMASHUSHO Y’INDIRIMBO ‘NARABOHOWE’ YA EMMY VOX NA ADRIEN MISIGARO


Iyi ndirimbo yasohotse ku wa 17 Ukuboza 2020, imaze kurebwa n’abantu 20,956

 ">

10. KANDA HANO UREBE AMASHUSHO Y’INDIRIMBO ‘ISEZERANO’ YA MANI MARTIN

Indirimbo ‘Isezerano’ yasohotse ku wa 20 Kamena 2020, imaze kurebwa n’abantu 15,870.

">






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND