Kigali

Atletico Madrid yaseshe amasezano na Diego Costa inamwifuriza amahirwe masa

Yanditswe na: ISHIMWE Olivier Ba
Taliki:29/12/2020 15:45
0

Ikipe ya Atletico Madrid yemeye gutandukana na rutahizamu wayo Diego Costa nyuma y'ubusabe uyu mukinnyi yari yagejeje kuri iyi kipe.



Atletico Madrid yatangaje ko yamaze kumvikana na Diego Costa ko basesa amasezerano ndetse bakazamureka akagenda muri Mutarama 2021 dore ko uyu mukinnyi yari yanze kwitabira imyitozo mu minsi ishize. Umwaka wa 2020 ntabwo wagendekeye neza uyu rutahizamu w'imyaka 32 nyuma yo kugira ikibazo cy'imvune cyatumye amara amezi hanze y'ikibuga, kandi nyuma yaho yaje kurwara Coronavirus nabyo byatumye atabona imikino ihagije. 

Costa yakomeje gushaka umwanya wo gukina ngo arebe ko yasubira mu bihe byiza yahoranye ariko biranga kuko Atletico Madrid yari yaraguze Luis Suarez ndetse waje yisanga mu ikipe bimwe mu byatumye Costa yifuza kuvanamo ake karenge.


Diego Costa yatandukanye na Atletico Madrid

Bibaye ku nshuro ya kabiri Diego Costa atandukana na Atletico Madrid nyuma yo kuvamo mu 2014 yerekeje muri Chelsea icyo gihe yari yarakiniye iyi kipe imikino 134 ayitsindira ibitego 64, Chelsea ayikinira imikino 89 ayitsindira ibitego 52 nyuma yaho agaruka muri Atletico Madrid ayikinira imikino 81 atsindamo ibitego 19.

Biteganyijwe ko Diego Costa muri Mutarama 2021 ari bwo azishakira indi kipe bazakomezanya urugendo rwo gukina, ariko ikipe ihabwa amahirwe akaba ari ikipe ya Arsenal yo mu Bwongereza






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND