Umunyakenyakazi Irene Ng’endo Mukii wegukanye ikamba rya Miss Africa Calabar 2019 yakiriye bagenzi be bo mu bihugu 20 byo muri Afurika bahatanira kumusimbura, banakora ibirori by’umutambagiro.
Ni mu birori byabaye kuri iki Cyumweru tariki 28 Ukuboza 2020. Aba bakobwa bakoze umutambagiro mu Mujyi wa Calabar muri Leta ya Cross River ari nayo itegura iri rushanwa rigiye kuba ku nshuro ya Gatanu.
Mbere yo kwakirwa na Miss Irene Ng’endo Mukii, buri mukobwa yafashwe amashusho y’amasegonda macye avuga uko yiteguye anatumira abantu kureba ibirori. Ndetse avuga inzozi ze z’ahazaza aramutse yegukanye ikamba rya Miss Africa Calabar 2020.
Iri rushanwa rizaba ku wa 30 Ukuboza 2020, hifashishijwe iyakure. Byari biteganyijwe ko risozwa ku wa 27 Ukuboza 2020, ariko kubera ingamba zo guhangana n’icyorezo cya Covid-19 muri Nigeria ryigezwa imbere.
Abategura iri rushanwa bavuze ko banahisemo ko rizaba
hifashishijwe ikoranabuhanga kugira ngo buri mukobwa witabiriye iri rushanwa
atandura Covid-19. Ndetse ko bihaye ikindi gihe kugira ngo bashyire buri kimwe ku murongo neza nk'uko babiteguye.
Amafoto n’amashusho yasohowe agaragaza aba bakobwa bose bambaye ingofero zibarinda kwandura icyorezo cya Covid-19 kibasiye Isi muri iki gihe.
Mu gitondo cyo ku wa 23 Ukuboza 2020, ni bwo Uwihirwe Yasipi Casimir wabaye igisonga cya mbere cya Miss Rwanda 2019 yerekeje muri Nigeria guhagararira u Rwanda muri Miss Africa Calabar 2020.
Umukobwa uzegukana ikamba rya Miss Africa Calabar 2020 azahembwa amadorali ibihumbi 50 n’imodoka yo kugendamo yo mu bwoko bwa SUV.
Uwihirwe Yasipi Casimir ahagarariye u Rwanda muri Miss Africa Calabar 2020
Uwihirwe Yasipi [Uri imbere] ni umwe mu bakobwa bitabiriye umutambagiro wabereye mu Mujyi wa Calabar
Umunyakenyakazi Ng'endo yakiriye bagenzi be bahatanira kumusimbura
Uwihirwe Yasipi [Uwa Gatatu uturutse iburyo] mu ifoto imwe n'Umunyakenyakazi Ng'endo ufite ikamba rya Miss Africa Calabar 2019
Abakobwa bitabiriye umutambagiro bambaye ingofero zizwi nka 'Face Shield' zibarinda kwandura Covid-19
Umunyakenyakazi Irene Ng'endo Mukii ufite ikamba rya Miss Africa Calabar 2019 yakiriye bagenzi be
Byari ibyishimo ku mukobwa wo muri Cameroon witabiriye umutambagiro wabereye mu Mujyi wa Calabar
Miss Namibia na Miss Ethiopia bakiriwe mu birori byabereye muri Leta itegura iri rushanwa
Umukobwa wo muri Afurika y'Epfo witabiriye irushanwa yari afite akanyamuneza
Eng
RSS 
TANGA IGITECYEREZO