RFL
Kigali

Arsenal biyisabye iminota 630 ngo itange intsinzi ivanze na Noheli

Yanditswe na: ISHIMWE Olivier Ba
Taliki:26/12/2020 21:58
0


Arsenal itsinze Ikipe ya Chelsea ibitego 3-1 ica akagozi k'imikino igera kuri 7 muri shampiyona nta manota 3 ibona.



Ni umukino watangiye hitezwe kureba niba koko Arsenal yongera kubona intsinzi yaherukaga ku munsi wa 7 wa shampiyona ubwo yatsindaga ikipe ya Manchester United igitego kimwe ku busa. Saa 07:30 PM za Kigali nibwo umukino wari utangiye umutoza Arteta yakoze impinduka zanatumye Kapiteni we abanza ku ntebe y'abasimbura.


Lampard uyu munsi ntabwo byamuhiriye

Abakinnyi babanjemo: Arsenal yakiriye umukino; Leno; Bellerin (c), Holding, Mari, Tierney; Elneny, Xhaka; Saka, Smith Rowe, Martinelli, Lacazette. Abasimbura: Runarsson, Ceballos, Soares, Mustafi, Maitland-Niles, Pepe, Willock, Nketiah, Aubameyang. 

Ku ruhande rwa Chelsea; Mendy; James, Zouma, Thiago Silva (c), Chilwell; Kovacic, Kante, Mount; Pulisic, Abraham, Werner. Abasimbura: Kepa, Azpilicueta, Rudiger, Emerson, Jorginho, Gilmour, Havertz, Hudson-Odoi, Giroud.

Uyu mukino wari uwa 202 aya makipe yombi ahuye zikaba n'inshuro nyinshi Chelsea yari ihuye n'ikipe iyo ariyo yose, umukino watangiye amakipe yombi asa n'aho atirekura ariko anyuzamo akatakana byanatumye ikipe ya Arsenal ikomeza kwereka ibimenyetso ko ishobora kwigaranzura ikipe ya Chelsea. Ku munota wa 34 Arsenal yabonye igitego cya mbere kuri penariti yari itewe na Lacazetti ibyari icyizere bitangira gutanga ishusho y'amanota atatu.


Alexandere Lacazette ni we watangiye urugendo rw'amanota 3

Mbere y'uko amakipe ajya kuruhuka Arsenal yinjije igitego cya 2 ku munota wa 44 gitsinzwe na Xhaka, igitego cyanasize imibare mibi ku ruhande rwa Frank Lampard kuko yagombaga kugaruka mu gice cya kabiri asabwa gutsinda ibitego 3 kugira ngo atahane intsinzi.

Igice cya kabiri cyatangiriye mu mujyo igice cya mbere cyarangiriyemo dore ko n'ubundi wabonaga ikipe itozwa na Lampard nta gahunda ihamye ifite. Lampard yagerageje gukora impinduka ubwo igice cya 2 cyatangiraga Jorginho asimbura Mateo Kovacic ndetse na Callum Hudson Odoi asimbura Timo Werner. Ku munota wa 56 Bukayo Saka yatsinze igitego cya 3 amata akomeza gutokorwa ku ruhande rwa Chelsea ari nako Arsenal ikomeza guhamya ko igomba kuva ku manota 14 yari iriho.


Granit Xhaka kufura yatsinze yabaye kufura yijyanamo Arsenal itsinze Chelsea kuva mu 2004 ubwo byakorwaga na Thierry Henry.

Arteta na we yaje gusimbuza ku munota wa 65 akuramo Emile Smith Rowe hinjira Joseph Willock ndetse no ku munota wa 71 Nicolas Pépé asimbura Gabriel Martinelli, Lampard ku munota wa 74 yakuyemo N'Golo Kante yinjiza Kai Havertz gusimbuza ku ruhande rwa Chelsea biba birarangiye. Umukino ugana ku musozo ikipe ya Chelsea yabonye igitego cy'impozamarira cyatsinzwe na Tammy Abrham ku munota wa 84 umusifuzi yongeraho iminota 5 itagize icyo ihindura umukino urangira Arsenal itsinze ibitego 3-1 cya Chelsea.






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND