Kigali

Polisi yerekanye 16 barimo Mutoni witabiriye Miss Rwanda&Supranational barenze ku mabwiriza yo kwirinda Covid-19

Yanditswe na: InyaRwanda
Taliki:23/12/2020 17:01
0

Mutoni Queen wegukanye ikamba ry’umukobwa ukunzwe [Miss Popularity] mu irushanwa rya Miss Supranational Rwanda 2020 akanitabira Miss Rwanda 2019, ari mu bakobwa 14 n’abahungu babiri baciwe amande, ni nyuma yo kurenga ku mabwiriza yo kwirinda icyorezo cya Covid-19.



Kuri uyu wa Gatatu tariki 23 Ukuboza 2020, ni bwo Polisi y’u Rwanda yeretse itangazamakuru abakobwa 14 n’abahungu babiri bafatiwe muri 'Silent Disco' mu birori byo kwizihiza isabukuru y’amavuko y’umwe muri abo. 'Silent Disco' ni ibirori bigezweho, biba nta muziki wumvikana aho byabereye ahubwo buri muntu wese aba yumvira umuziki muri 'headphones'.

Bose bari mu maboko ya Police y’u Rwanda bashinjwa kurenga ku mabwiriza yo gukumira no kurwanya Covid-19. Umuvugizi wa Polisi y’u Rwanda, CP John Bosco Kabera, yavuze ko bose bacibwa amande y'ibihumbi 25 y'amanyarwanda (25, 000 Frw), uwateguye ibi birori akazacibwa amande ya 200,000 Frw.

Hagati ya tariki 15 na 21 Ukuboza, Leta yashyizeho amasaha yo kugenda, aho abantu basabwaga kugera mu ngo zabo saa tatu z’ijoro bakongera kuzisubukura saa kumi za mu gitondo. Ariko guhera uyu munsi tariki ya 22 Ukuboza 2020 kugeza tariki ya 4 Mutarama 2021, ingendo zirabujijwe guhera saa mbiri z’ijoro kugeza saa kumi za mugitondo.”

Izi zikaba ari ingamba Leta yashyizeho kugira ngo hirindwe ikwirakwizwa rya COVID-19 cyane cyane muri iki gihe cy’iminsi mikuru iteganyijwe imbere. Ni muri urwo rwego, CP Kabera yibutsa buri wese gutegura gahunda ze neza uko bikwiye azirikana ko agomba kuba saa mbiri yageze mu rugo.

“Ingendo zirabujijwe mu Karere ka Musanze guhera saa moya z’ijoro kugeza saa kumi za mu gitondo; inama ntabwo zemewe kugeza mu byumweru bitatu biri imbere, insengero zemerewe gusengerwamo; bazajya basenga rimwe mu cyumweru batarengeje 30 ku ijana by'abaterana.”

Mutoni Queen witabiriye Miss Rwanda na Miss Supranational ari mu beretswe itangazamakuru ku bwo kurenga ku mabwiriza yo kwirinda Covid-19


Abakobwa 14 n'abahungu babiri baciwe amande kubera gukora ibirori bya 'Silent Disco' kandi binyuranyije n'amabwiriza y'inzego z'ubuzima yo kwirinda Covid-19

Buri wese agomba gutanga 25,000 Frw naho uwateguye ibirori by'isabukuru ye agatanga 200,000 Frw

Umuvugizi wa Polisi y'u Rwanda, CP John Bosco Kabera yavuze ko aba 16 bafashwe kubera ko bakoreye ibirori mu rugo kandi binyuranyije n'amabwiriza yo kwirinda Covid-19






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND