Imikino 3 ishobora gusiga Arteta hanze cyangwa ikarokora Arsenal

Intangiriro za Shampiyina nziza kuri uyu mutoza wahoze yungirije mu ikipe ya Manchester City ariko zitaramye, kuko ubu iyi kipe ifite amanota 14 mu mikino 14 ibintu bigora kwiyumvisha ku bafana ba Arsenal iri gutozwa na Arteta ku mwaka we wa kabiri, ndetse unakurikije uko umwaka wa shampiyona watangiye kuri iyi kipe.

Gusa n'ubwo umusaruro utari mwiza muri rusange, ariko ubuyobozi bw'ikipe bugaragariza icyizere uyu mutoza ndetse bavuga ko bamushyigikiye n'ubwo hari ababibwiwe ariko bikarangira basezerewe.

Ni icyizere cyakongera kugaruka ndetse no gusubira ku murongo mu gihe Arsenal yatsinda, ikanatanga Noheri ku mukino bazakiramo Chelsea.

Iyi kipe yatangiye umwaka w'imikino 2020/21 igaragaza ubukana ndetse n'amashagaga kuko yatsinze ibitego 7 mu mikino 3. Muri Shampiyona Arsenal yatangiye itsinda  Fulham ibitego 3-0, itsinda West Ham ibitego 2-1, itsindwa na Liverpool ibitego 3-1, bivuze ko mu mikino itatu ibanza ya shampiyona bari bafitemo amanota 6 ku 9 ndetse binjije ibitego 6 batsindwa ibitego 4 ubwo bari nazigamye ibitego 2. 

Gusa, nyuma y'umunsi wa Kabiri wa shampiyona, Arsenal ntirongera gutsinda imikino 2 yikurikiranya muri shampiyona binateye impungenge ku mikino 3 iri imbere ntetse harimo ibiri bazakina mbere y’uko umwaka wa 2020 urangira. Kuri ubu Arsenal iri ku mwanya wa 15 n'amanota 14 mu mikino 14 n'umwenda w'ibitego 6.

Imikoranire ya Edu na Artete nayo irashidikanwaho

Imikino 3 twavuga ko ifite urufunguzo ku kazoza ka Arteta na Arsenal ni umukino wa Chelsea uzaba tariki 26 Ukuboza 2020, uyu mukino Arsenal iwutsinze yakigiraho imbere umwanya 1 ariko nabyo bigasaba ko na Leeds itagira inota isarura. Ikindi kiza kuri uyu mukino waza ari umukino ukumbuwe nyuma yo gutsinda ikipe ya Manchester United ari nayo manota 3 iyi kipe iheruka muri shampiyona.

Undi mukino uzakurikiraho uzaba tariki ya 20 Ukuboza 2020 uhuze Arsenal izakirwa na Brighton iri ku mwanya wa 17 n'amanota 12, ndetse tariki 2 Mutarama West Brom nayo ikazakira Arsenal umukino uzaba saa 22:00 pm. Arsenal itsinze iyi mikino yaba ifite amanota 23 byatuma abakunzi bayo bagarukana icyizere ndetse no gusubiza umwuka mwiza mu ikipe muri rusange.